Pra heta zajaviŭ časovy pavierany ŭ spravach Złučanych Štataŭ u Biełarusi Majkł Skełmien.
«ZŠA prymie rašeńnie nakont admieny ci časovaha prypynieńnia vizavych sankcyj adnosna biełaruskich čynoŭnikaŭ u listapadzie «z ulikam dziejańniaŭ, jakija zrobić biełaruski ŭrad».
Rašeńnie budzie zaležyć ad taho, jak składziecca situacyja.
Pra heta ŭ intervju BiełaPAN zajaviŭ časova pavierany ŭ spravach ZŠA ŭ Biełarusi Majkł Skenlen.
Jon adznačyŭ, što ZŠA chacieli b adnavić u Minsku «tuju kolkaść supracoŭnikaŭ, jakaja była raniej.
Ale, pryjechaŭšy siudy, ja daviedaŭsia, što heta niemahčyma, prynamsi, u najbližejšaj budučyni. Heta było skazana pradstaŭnikami biełaruskich uładaŭ».
Biełaruskija ŭłady ŭviazvajuć pytańnie ab adnaŭleńni kolkaści amierykanskich dypłamataŭ u Minsku z admienaj ekanamičnych sankcyj, jakija Ministerstva finansaŭ ZŠA ŭviało ŭ dačynieńni da kancerna «Biełnaftachim». U listapadzie Minfin znoŭ budzie pierahladać hetaje pytańnie. Ci možna čakać ich admieny?
Majkł Skenlen zajaviŭ: «Heta dźvie zusim roznyja rečy. I padčas svajho vizitu ŭ Biełaruś pamočnik Dziaržsakratara Hordan padkreślivaŭ padčas sustreč z hramadzianskaj supolnaściu, palityčnych partyj, urada, što hetyja dva pytańni nie źviazanyja adno z druhim.
Pytańnie sankcyj — vielmi śpiecyfičnaje. My hatovy jaho abmiarkoŭvać, hatovy vieści dyjałoh ź biełaruskimi ŭładami pra toje, jak dasiahnuć prahresu ŭ hetym pytańni.
Administracyja Abamy hatovaja budavać šmathrannyja stasunki — pra heta zajaŭlała i papiaredniaja administracyja ZŠA. Urad Biełarusi viedaje pra toje, što ZŠA turbujuć prablemy ŭ halinie pravoŭ čałavieka, vybarčaha zakanadaŭstva.
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary