Cichanoŭskaja pra amnistyju: My budziem ščaślivyja kožnamu, chto vyjdzie na volu. Ale dziakavać stvaralnikam piekła nie budziem
Śviatłana Cichanoŭskaja vykazałasia pra płany amnistyi, pra jakija siońnia zranku havaryli na naradzie ŭ Łukašenki i paśla ceły dzień abmiarkoŭvali.
Zhadaŭšy pra siońniašni žorstki prysud pa spravie «Revalucyjnaha dziejańnia» i chapun paśla jaho, Cichanoŭskaja adznačyła:
«Pry hetym režym havoryć pra mahčymyja amnistyi, adnačasova z hetym nabirajučy novych zakładnikaŭ dla handlu i abmiarkoŭvajučy płany pa pazbaŭleńni biełarusaŭ hramadzianstva, što supiarečyć Kanstytucyi Biełarusi.
My ščaślivyja kožnamu, chto vychodzić na volu. Ale nie budziem dziakavać tym, chto sam zładziŭ piekła dla ludziej — i potym vyrašyŭ jaho spynić.
Toje, što ludzi niezaležna ad svaich palityčnych mierkavańniaŭ znachodziacca na voli, pavinna być normaj, a nie «padarunkam».
My nie zabudziem, što režym pačynaje razmovy pra amnistyi tolki tady, kali sprabuje handlavacca zakładnikami dziela źniaćcia sankcyj. My nie dazvolim hetaha zrabić. My viedajem sapraŭdny tvar hetaj sistemy».
Cichanoŭskaja zhadała pra toje, što režym užo zabiraje ŭ aryštavanych majomaść i pradaje jaje praz kramy kanfiskataŭ. Hety los užo, pavodle jaje, napatkaŭ jaje z mužam kvateru ŭ Minsku:
«Našu ź Siarhiejem Cichanoŭskim minskuju kvateru aryštavali. U joj apisali ŭsio — až da akvarelnych farbaŭ dziaciej, kab pradać i sabrać hrošaj u kaznu».
U homielskaj sietcy kramaŭ kanfiskatu «Vaš vybar», jakaja naležyć Kiraŭnictvu spraŭ Łukašenki, jak śćviardžaje Cichanoŭskaja, ciapier pradajuć techniku, ź jakoj 29 maja 2020 hoda zatrymali Siarhieja.
Zaklikaŭšy biełarusaŭ ničoha ŭ takich kramach nie nabyvać i dapamahać siemjam palitviaźniaŭ, naprykancy Cichanoŭskaja jašče raz padkreśliła:
«My budziem ščaślivyja kožnamu źniavolenamu pa palityčnych matyvach, jaki vyjdzie na volu. Ale vyjści pavinny absalutna ŭsio».
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
-
«Za dzieviać dzion nivodnaj cełaj kanapy, smurod strašenny». Minčanka pra toje, jak nielha vybirać kvatarantaŭ
-
U Biešankovičach mužčyna pasprabavaŭ pradać ptušania i atrymaŭ «administracyjku»
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary