Ź Biełarusi sychodzić «Mietinviest Dystrybucyja» Rynata Achmietava
Hiendyrektar Ukrainskaj horna-mietałurhičnaj hrupy «Mietinviest» Juryj Ryžankoŭ zajaviŭ u intervju ukrainskim ŚMI pra sychod kampanii ź Biełarusi.
Ryžankoŭ adznačyŭ, što rašeńnie ab likvidacyi biełaruskaha filijała «Mietinviest» było pryniataje jašče 24 lutaha paśla pačatku vajny va Ukrainie. Pa słovach Ryžankova, u hrupie pracavali top-mieniedžary, mieniedžary i śpiecyjalisty, jakija byli hramadzianami Biełarusi abo Rasii. Mnohija ź ich prapracavali ŭ kampanii bolš za 10 hadoŭ.
«Paśla 24 čysła vialikaja častka ź ich abo byli zvolnienyja, abo zvolnilisia sami. Ciapier zastalisia adzinki — u asnoŭnym tyja, chto asudžaje toje, što adbyvajecca. Chtości atrymaŭ inšaje hramadzianstva», — dadaŭ jon.
«Mietinviest Chołdynh» — bujny pastaŭščyk mietału, jaki naležyć ukrainskim aliharcham Rynatu Achmietavu (71,24%) i Vadzimu Navinskamu (23,76%).
Firmu «Mietinviest Dystrybucyja» stvaryli ŭ Biełarusi ŭ 2013 hodzie dla pastavak mietałaprakatu ŭkrainskich zavodaŭ «Azoŭstal» i MMK imia Iljiča. Pavodle acenak ekśpiertaŭ, kampanija ŭvachodziła ŭ trojku najbujniejšych pastaŭščykoŭ mietału na biełaruski rynak. Ciapier, adnak, u jaje samoj niaprostyja časy, bo tyja ž zavody «Azoŭstal» i MMK imia Iljiča znachodzilisia ŭ Maryupali, jaki ciapier akupavany rasijskimi vojskami, a zavody padčas abarony horada praktyčna źniščanyja.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary