Łaŭroŭ zajaviŭ, što Rasija nie dumała napadać na Ukrainu i nie źbirajecca atakavać Jeŭropu
Rasija pierad pačatkam vajny nie źbirałasia ŭryvacca va Ukrainu, raźličvała damovicca pra biaśpieku z ZŠA i NATA, zajaviŭ kiraŭnik MZS RF Siarhiej Łaŭroŭ. Ciapier jon hatovy harantavać biaśpieku Jeŭropie.
«U śniežni 2021 hoda, za dva miesiacy da pačatku śpiecyjalnaj vajennaj apieracyi, my nie padumvali ni pra što, akramia jak pra mirnaje ŭrehulavańnie. Pieradali ZŠA i Paŭnočnaatłantyčnamu aljansu prajekty dakumientaŭ, jakija byli naceleny na toje, kab uzhadnić harantyi biaśpieki na zachodnim napramku», — skazaŭ Łaŭroŭ.
Łaŭroŭ zapeŭniŭ, što na dadzieny momant Rasija taksama nie vynošvaje nijakich ahresiŭnych płanaŭ u dačynieńni da členaŭ NATA i krain Jeŭrasajuza, Maskva hatovaja jurydyčna zafiksavać adpaviednyja harantyi.
«Hatovyja piśmova, u jurydyčnym dakumiencie zafiksavać adpaviednyja harantyi. Zrazumieła, na kalektyŭnaj, uzajemnaj asnovie», — skazaŭ Łaŭroŭ.
Pry hetym jon zajaviŭ, što na dadzieny momant u Jeŭropie panuje «militaryscki čad» i, kali jeŭrapiejskija krainy vyrašać vajavać z Rasijaj, to Maskva da hetaha hatovaja «choć ciapier».
Taksama hałoŭny dypłamat RF skazaŭ, što «Kijeŭ ź ciapierašnim «uzroŭniem śviadomaści» naŭrad ci hatovy da surjoznych pieramovaŭ, «najaŭnaść śviadomaści» jeŭrapiejskich kiraŭnikoŭ, dadaŭ Łaŭroŭ, taksama vyklikaje ŭ jaho sumnievy.
Ciapier čytajuć
Što Babaryka i Kaleśnikava adkazali na pytańni pra vajnu93
Kamientary