Adoranuju dziaŭčynu łukašysty vinavaciać u tym, što jana patrabavała praviadzieńnia ŭ krainie sumlennych vybaraŭ.
Dziaŭčynu kličuć Aryna Sianiuta, joj 19 hadoŭ i jana ź Minska. Aryna vučyłasia ŭ dobraj minskaj himnazii — №29, jakaja mieścicca ŭ centry horada. Jana była vielmi aktyŭnaj: udzielničała ŭ alimpijadach i roznych konkursach, u asnoŭnym pa ekanomicy i finansach. Taksama ładziła roznyja aktyŭnaści ŭ himnazii.
U 2019 hodzie jana pastupiła na śpiecyjalnaść «Mieniedžmient» Ekanamičnaha fakulteta BDU, vydatna zdaŭšy CT. Viadoma, što pa ruskaj movie jana nabrała 99 bałaŭ, a pa anhlijskaj — 89 bałaŭ.
Va ŭniviersitecie jana taksama prajaviła siabie vielmi aktyŭna: udzielničała ŭ roznych studenckich konkursach i alimpijadach, a taksama była namieśnicaj kiraŭnički studsajuza fakulteta. A jašče kuratarkaj pieršakurśnikaŭ svajoj śpiecyjalnaści ŭ minułym navučalnym hodzie — to-bok, čałaviekam, jaki dapamahaje pieršakurśnikam «zaryjentavacca» na pačatku navučańnia.
Na minułuju siesiju dziaŭčyna vyjšła ź siarednim bałam 8,33.
Jaje zatrymali za ŭdzieł u maršach za svabodnyja vybary i adnaŭleńnie zakonnaści ŭ žniŭni 2020 hoda. Ci zaviedzienaja na jaje kryminalnaja sprava, dakładna nieviadoma, ale HUBAZiKaŭcy ŭ dopisie chilać da taho, što tak, bo abiacajuć, što «bližejšy jubilej jana sustrenie za kratami».
Čytajcie jašče:
Zatrymali viadomaha treniera pa volnaj baraćbie
Łukašysty dapytvali prahramista, zaviazaŭšy jamu bandanu ź jeŭrapiejskim ściaham na žanočy manier
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary