Makiej: Pryznańnie Minskam «refierendumaŭ» na akupavanych ziemlach Ukrainy zaležyć ad «nacyjanalnych intaresaŭ»
Ministr zamiežnych spraŭ Biełarusi Uładzimir Makiej 24 vieraśnia ŭ Ńju-Jorku na 77-j siesii Hienieralnaj asamblei AAN zajaviŭ, što Biełaruś i Rasija «šmat u čym źjaŭlajucca samadastatkovymi», źviartaje ŭvahu «Radyjo Svaboda».
Makiej miarkuje, što ŭviedzienyja suprać ich zachodnimi krainami sankcyi «dali mahutny impuls da raźvićcia schavanych unutranych reziervaŭ i jašče bolšaj rehijanalnaj intehracyi».
«Tamu nie moža być sumnievu ŭ tym, što my zdužajem. Hetaksama, jak vystajała svabodalubivaja Kuba, jakaja znachodzicca pad niezakonnymi sankcyjami ŭžo bolš za šeść dziesiacihodździaŭ», — skazaŭ Uładzimir Makiej.
Asobna Makiej, jakoha admovilisia słuchać mnohija z pradstaŭnikoŭ inšych dziaržaŭ, spyniŭsia na vajnie, jakaja idzie va Ukrainie. Jon znoŭ abvinavaciŭ u hetym «kalektyŭny Zachad».
«Vinu za dalejšaje krovapralićcie va Ukrainie ŭ poŭnaj miery pavinien nieści kalektyŭny Zachad. Mienavita Zachad zrabiŭ hety kanflikt niepaźbiežnym — nie tolki svaim rašeńniem pa pašyreńni NATO, ale i admovaj razhladać prapanovy svaich apanientaŭ».
Jon pieraličyŭ try «iściny», jakija, jak ličyć kiraŭnik MZS, «pavinien uśviadomić» Zachad: «mižnarodnyja adnosiny nie kruciacca vakoł adnaho, a mienavita — zachodniaha — centra siły»; «u suśvietnaj historyi niama kanca, pakolki jana nie źjaŭlajecca niaŭmolnym rucham usich krain da tak zvanaj «libieralnaj demakratyi»; «śviet źjaŭlajecca zanadta składanym, kab źvieści ŭsie jaho prablemy da supraćstajańnia pamiž tak zvanymi «demakratyjami» i «aŭtakratyjami».
«Pakul ža takoha ŭśviedamleńnia niama. Zatoje jość razbureńnie, jakoje ŭparta pravodzicca Zachadam, u tym liku i samarazbureńnie», — ličyć Makiej.
U intervju telekanału France 24 čynoŭnik vykazaŭsia pra tak zvanyja refierendumy, što pravodzić Rasija na akupavanych terytoryjach Ukrainy. Jon zajaviŭ, što Biełaruś budzie nazirać za situacyjaj i prymie rašeńnie ab pryznańni ich vynikaŭ «u adpaviednaści z nacyjanalnymi intaresami».
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary52
Kamientary
pryznańni ich vynikaŭ «u adpaviednaści z nacyjanalnymi intaresami».
A VOŚ ČARHOVYJA SANKCYI REŽYMU BUDUĆ LEHIETYMNYJA.