Minharvykankam admaŭlaŭ u praviadzieńni sustrečy z 12-hadovaj błohierkaj u Dana Mall
Arhanizatary źviartalisia pa dazvoł, ale nie atrymaŭšy jaho, usio roŭna praviali sustreču. Pra heta raspavioŭ načalnik upraŭleńnia kultury Minharvykankama Vital Brel, pišuć «Minsk-naviny».
— U PR-kampanii «Saŭndkafe pradakšn» była damova z Burger King na praviadzieńnie rekłamnaj kampanii. Vykonvajučy abaviazacielstvy, arhanizatary źviarnulisia va ŭpraŭleńnie kultury Minharvykankama, ale im było admoŭlena. Pryčyn niekalki: pa-pieršaje, placoŭka nie prystasavanaja dla praviadzieńnia kancertnych prahram, pa-druhoje, Burger King nie źjaŭlajecca ŭładalnikam HRC Dana Mall, pa-treciaje, było zajaŭlena, što na sustreču pryjdzie 500 čałaviek, — rastłumačyŭ V.Brel.
Pavodle jaho słoŭ, arhanizataram było paznačana, što mierapryjemstva nie adpaviadaje «Kodeksu ab kultury», što imi pradastaŭlenaja niedakładnaja infarmacyja pra sam farmat mierapryjemstva, što było zrazumieła na stadyi arhanizacyi.
— Jany praviali sustreču biez ŭzhadnieńnia, parušyŭšy zakanadaŭstva, — padkreśliŭ V.Brel.
Nahadajem, što ŭ subotu, 24 vieraśnia, u handlovym centry Dana Mall sabrałasia niekalki tysiač čałaviek na sustreču z 12-hadovaj błohierkaj Miłanaj Chamietavaj. Taksama padčas mierapryjemstva pamiž pieršym i cokalnym paviercham adbyłosia ekstrannaje spynieńnie kabiny z-za pierahruzki, pačałasia ciskanina. Pa miedycynskuju dapamohu źviarnułasia niekalki čałaviek.
Taksama paviedamlałasia, što arhanizatar sustrečy zatrymany.
Čytajcie taksama:
Źjaviłasia videa nadzvyčajnaj situacyi ź liftam u Dana Mall
«Pačałasia ciskanina, AMAP pačaŭ razhaniać ludziej». Što adbyvałasia siońnia ŭ Dana Mall
Sustreču z błohierkaj u Dana Mall kvalifikavali jak «niesankcyjanavanaje masavaje mierapryjemstva», arhanizatara zatrymali
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary