MUS Litvy prapanuje razarvać dvuchbakovyja pahadnieńni ź Biełaruśsiu
U paniadziełak ministr unutranych spraŭ Litvy Ahnie Biłatajcie vyniesła na pasiadžeńni Dziaržsavieta pa abaronie prapanovu ab skasavańni dvuchbakovych mižnarodnych dahavoraŭ i mižviedamasnych pahadnieńniaŭ ź Biełaruśsiu, zaklučanych u śfierach kiravańnia MUS, piša Delfi.lt.
«Biełaruski režym nie pierastaje vykarystoŭvać mihrantaŭ jak instrumient palityčnaha cisku, a biełaruskija čynoŭniki svaimi aktyŭnymi dziejańniami spryjajuć arhanizacyi kryzisu nielehalnych mihrantaŭ i razbureńnia aharodžy. Pakolki Biełaruś parušaje pryncypy mižnarodnaha prava i nie vykonvaje dvuchbakovyja pahadnieńni, jany hublajuć svajo značeńnie, i my prapanujem ich skasavać», — havorycca ŭ zajavie ministra ŭnutranych spraŭ Biłatajcie.
Pavodle jaje słoŭ, z ulikam taho, što hieapalityčnyja pahrozy ŭ rehijonie nie pamianšajucca, a Biełaruś jak sajuźnik Rasii praciahvaje ažyćciaŭlać arhanizavanuju hibrydnuju ahresiju suprać Litvy na miažy, dvuchbakovyja mižnarodnyja damoŭlenaści ź Biełaruśsiu ŭžo hublajuć sens.
Kamientary