Cichanoŭskaja sustrełasia z kiraŭnictvam Google, Meta i pradstaŭnikami Microsoft
U Ńju-Jorku padčas Hienasamblei AAN demakratyčnaja lidarka Biełarusi Śviatłana Cichanoŭskaja sustrełasia z prezidentam Google Sundaram Pičaj i ź vice-prezydentam Karanam Bchacija, taksama z prezidentam pa hłabalnych spravach kampanii Meta (Facebook, Instagram, WhatsApp) Nikam Kleham, a taksama kiraŭnictvam prahramy Defending Democracy kampanii Microsoft.
Cichanoŭskaja paprasiła techkampanii pryśviacić bolš uvahi biełaruskamu rynku i damoviłasia praciahvać kantakt na rabočym uzroŭni, raskazaŭ u telehramie Franak Viačorka.
U jakich śfierach budzie vieścisia supracoŭnictva:
— dapamoha biełaruskim miedyja. Užo jość paśpiachovyja kiejsy, kali ŭdałosia razbłakavać staronki asobnych biełaruskich žurnalistaŭ i arhanizacyj,
— kansultacyi dla biełaruskich błohieraŭ. Naprykład, TikTok hatovy dapamahać i budzie zaprašać biełarusaŭ na svaje mierapryjemstvy. Techkampanii hatovyja davać śpiecyjalistaŭ i treneraŭ dla medyja,
— Youtube praciahvaje błakavać pakajannyja videa i rekłamnyja akaŭnty, ź jakich hetaja «rekłama» zapuskajecca. Užo zabłakavanyja sotni takich rolikaŭ,
— vieryfikacyja akaŭntaŭ miedyja, žurnalistaŭ i hramadskich aktyvistaŭ, jakija zaznajuć ataki botaŭ i sproby ŭzłomu,
— łakalizacyja servisaŭ i padtrymka biełaruskaha kantentu,
— Cichanoŭskaja paprasiła Microsoft paspryjać u pašyreńni biełaruskaj movy, a Google — dazvolić rekłamu biełaruskamoŭnych videarolikaŭ,
— dostup da karystańnia vobłačnymi servisami dla žurnalistaŭ i NDA, a taksama prahramnaha zabieśpiačeńnia dla abychodu cenzury i błakavańnia,
— padtrymka prajektu ličbavaj Biełarusi i intehracyja z hłabalnymi servisami.
-
Minskija ŭłady pradpisvajuć upryhožvać navahodnija vitryny tolki «elemientami słavianskaha pachodžańnia»
-
Departamient dziaržbiaśpieki Litvy kaža, što rost kolkaści imihrantaŭ ź Biełarusi ŭjaŭlaje pahrozu. Ale pa statystycy biełarusaŭ u Litvie stanovicca mienš
-
Žychara Krasnapolla prysudzili da adnaho hoda kałonii za krytyku Łukašenki
Kamientary