Stambuł ad 197 dalaraŭ. Pahladzieli ceny na kvitki «Biełavija» na doŭhija vychodnyja
Vychodny dzień 7 listapada sioleta prypadaje na paniadziełak. Takim čynam, z subotaj i niadzielaj u nas atrymlivajucca trochdzionnyja mikravakacyi. Varyjantaŭ dla pramych pieralotaŭ, viadoma, niašmat, ale ž cikava, što prapanujuć i pa jakich cenach.
Hruzija
Dalacieć u hetuju krainu možna ažno ŭ try harady: Batumi, Tbilisi i Kutaisi, ale ž u pieršy kvitki ekanom-kłasa ŭžo razabrali — zastaŭsia tolki biznes ad 423 dalaraŭ u adzin bok.
Tańniej za ŭsio lacieć u Tbilisi subotnim viečaram 5 listapada — troški bolš jak za 250 dalaraŭ. Ceny na zvarotnyja kvitki nie nadta adroźnivajucca — ad 205 da 229 dalaraŭ. Ale ž kali jość čas zastacca, u čaćvier 10 listapada možna viarnucca ŭsiaho za 151!
U Kutaisi rejsy nie vykonvajucca štodzionna, tamu treba łaviravać. Naprykład, lacieć tudy ŭ čaćvier 3 listapada za amal 250 dalaraŭ, a nazad — u paniadziełak 7-ha amal za 185.
Armienija
Raskład palotaŭ Minsk — Jerevan nastupny: prapanujucca viačernija rejsy tudy i ranišnija nazad. Tolki što viarnucca 8 listapada ź Jerevanu nie atrymajecca: u hety dzień samalota nie budzie. Tamu treba brać zvarotny kvitok na 7-je čysło.
Kvitki ź Minska ŭ Jerevan i nazad abyducca ŭ troški bolej jak 450 dalaraŭ na čałavieka.
Turcyja
Palacieć u malaŭničy Stambuł ź Minska možna budzie za 197 dalaraŭ amal u luby dzień, akramia piatnicy 4 listapada. Nazad tańniej viartacca ŭnoč z 7-ha na 8-je, za 215.
Azierbajdžan
Kvitki ŭ Baku ŭ «Biełavii» na dziva (i adnosna) tannyja. Kali palacieć viačernim rejsam u piatnicu 4 listapada, treba budzie zapłacić amal 343 dalary — viadoma, bahaž nie ŭklučany. Viarnucca ŭ Minsk možna za 163 dalary — takaja cana amal na ŭsie dni, ale niebłahim vyhladaje ranišni rejs 8 listapada.
Takim čynam, atrymajecca pahladzieć Baku try poŭnyja dni, ale ž pryjdziecca troški achviaravać snom.
Kazachstan
Astana na doŭhija vychodnyja taksama davoli tannaja — 263 za kvitok tudy i 168 nazad. Lacieć možna amal u luby dzień, bo ceny adroźnivajucca nie krytyčna.
Emiraty
Ekanom-kvitkoŭ u Dubaj na piatnicu 4 listapada ŭžo niama, tolki biznes-kłas za bolš jak 700 dalaraŭ. A zvarotny ekanom u paniadziełak abydziecca ŭ 510.
Ciapier čytajuć
Ina Kulej: Milinkievič pieramoh śmierć, ale šlach da poŭnaha adužańnia niablizki3
Kamientary
poślednij šans pokinuť etu stranu pieried časom Č?