«Budzie 500 zabitych u dzień. 18 dzion heta praciahniecca». Arastovič vykazaŭsia pra pierśpiektyvy nastupu rasiejskich vojskaŭ ź Biełarusi
Učora Hienštab Ukrainy zajaviŭ, što padvyšajecca niebiaśpieka nastupu rasiejskich vojskaŭ z boku našaj terytoryi. Alaksiej Arastovič, daradca ofisa prezidenta Ukrainy ŭ prahramie «Fiejhin LIVE» taksama paćvierdziŭ, što hetaja niebiaśpieka stała bolš vierahodnaj, ale dla Ukrainy jana vyrašalnaja.
Arastovič raspavioŭ, što ŭ Biełaruś praciahvajecca pieradysłakacyja rasiejskich vojskaŭ. Taksama idzie prychavanaja častkovaja mabilizacyja ŭ Biełarusi, u asnoŭnym, ludziej «nievajennych śpiecyjalnaściaŭ».
«Jość pahrozy, a jość padrychtoŭka da pahroz. Da pahroz daloka, a padrychtoŭka da pahroz idzie pa poŭnaj», — kaža Arastovič.
Pavodle jaho infarmacyi, kala 9 tysiač rasiejcaŭ prybudzie ŭ Biełaruś da kanca miesiaca. Ale dla taho, kab Ukraina trymała hrupoŭku na biełaruskaj miažy, treba «20-30 tysiač, nie mienš».
«Minuły raz na Kijeŭ prybyło da 40 tysiač, pryčym heta byli častki nie roŭnia ciapierašnim, čym jany skončyli, zrazumieła», — havoryć jon.
Pavodle infarmacyi Hienštaba, metaj rasiejskich vojskaŭ, jakija mohuć nastupać z terytoryi Biełarusi, pavinny stać šlachi pastavak zachodniaj zbroi. Arastovič kaža, što hetyja šlachi prachodziać paŭdnioviej.
«A pa-druhoje, dobra, chaj nabiahuć, tam my ich jašče nie bili. Tam miescy horšyja, čym u Kijevie. Tam treba valić pa lasach, pa lasnych darohach, budzie toje ž, što pad Kijevam, tolki viesialej. Tamu što hetyja naohuł ničoha nie ŭmiejuć», — ličyć Arastovič.
«Pałtaŭskija, sumskija, čarnihaŭskija fiermiery papoŭnili haspadarki tankami rasiejskimi, a voś vałynskija, žytomirskija jašče nie. Jany taksama chočuć», — kaža jon.
«Budzie prykładna 500 zabitych u dzień. 18 dzion heta ŭsio praciahniecca. Usio», — upeŭnieny daradca ofisa prezidenta Ukrainy.
Kamientary