Na terytoryi haściničnaha kompleksu Nacyjanalnaha parku «Biełaviežskaja pušča» byŭ znojdzieny redki ŭ Biełarusi hryb, padobny da aranžavaj kvietki — Aleŭryja aranžavaja (łac. Aleuria aurantia), paviedamlaje sajt nacyjanalnaha parku.
Hety hryb — jadomy, adnak asablivaj spažyŭnaj kaštoŭnaści nie maje z-za tonkaj miakaci, humapadobnaj kansistencyi i nievysokich smakavych jakaściaŭ. Jon moža vykarystoŭvacca syrym, u tym liku dla ŭpryhožvańnia sałataŭ, ale prydatny taksama dla advarvańnia.
Adnak bolšuju kaštoŭnaść jon maje ŭ inšych, niecharčovych metach. Aleŭryja aranžavaja źmiaščaje asablivy vid lekcinu — tak zvany Aleuria Aurantia Lectin (AAL). U pryrodnych ekasistemach jon prajaŭlaje supraćhrybkovuju aktyŭnaść, dušačy, u pryvatnaści, rost pleśnievaha hryba Mucor racemosus.
Ułaścivaść hryba robić mahčymym jaho prymianieńnie ŭ bijachimii i miedycynie, u pieršuju čarhu jak markier u dyjahnastyčnych i bijałahičnych testach. Jość źviestki pra mahčymaść jaho vykarystańnia pry dyjahnostycy roznych vidaŭ raku. Akramia taho, vykarystańnie AAL nazyvajuć pierśpiektyŭnaj stratehijaj dla pieraralnaj imunaterapii.
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary