Usiaho patrochu22

Što rabić z suchim liściem pierad zimoj?

Tradycyjna ličyłasia, što liście z sadu napradzimku treba vyhrabać i palić. A što kažuć sučasnyja daśledavańni?

Usio bolš ludziej ličać, što praktyka zhrabać i prybirać suchoje liście prynosić bolš škody, čym karyści, i joj niama nijakich apraŭdańniaŭ. Adnak jość vypadki, kali liście pakidać nielha.

Pierš za ŭsio, liście ŭhnojvaje hlebu. Jano dapamahaje stvaryć vialiki słoj humusu, jakim paźniej mohuć skarystacca inšyja raśliny. Akramia taho, liście dapamahaje daŭžej utrymlivać vilhać u hlebie i abaraniaje hlebu ad choładu. Heta padobna da padšyvanaj koŭdry, pad jakoj budzie ciopła ŭzimku i raślinam, i drobnym žyviołam.

Kali ŭ sadzie zastaniecca liście, siabie zdolejuć prakarmić karysnyja biespazvanočnyja, što dapamahajuć padtrymlivać hlebu ŭ dobrym stanie i razrychlajuć jaje. Akramia taho, u takim liści žyvuć vožyki, jakija jašče i niasuć adkaznaść za pajadańnie smaŭžoŭ, što škodziać vornym kulturam. Kali prybrać liście z sada, heta parušyć žyćciovy cykł vožyka.

Voś čamu słoj asieńniaha liścia važny dla ekasistemy — jak dla žyvioł i biespazvanočnych, tak i dla raślin, jakija vy paźniej vysadzicie na jaho miescy.

Dzie liście karysnaje, a adkul jaho treba prybrać

Lepš za ŭsio pakidać liście na kłumbach, łuhach z kvietkami i hradkach z harodninaj. Što datyčycca hazonaŭ, adtul varta prybrać liście, bo travie jano naškodzić. Toŭsty słoj liścia moža abmiežavać kolkaść vady i pavietra, što traplaje da hazonu, a travie jany patrebnyja na praciahu ŭsioj zimy, i ŭ hetym vypadku hazon moža pačać hnić. Akramia hetaha, viasnoj, kali vy budziecie prybirać liście, hazon moža zarazicca śniežnaj ćvillu ci inšaj hrybkovaj chvarobaj.

Taksama nie pakidajcie liście ŭ sažałkach i inšych vadajomach, bo jano hnije ŭ vadzie, zabrudžvaje jaje i moža być niebiaśpiečnym dla ryby. Kali ŭ vadajomie jość liście, heta moža paskoryć rost zialonych vodaraściaŭ i hleju. Prybirajcie liście i ź viečnazialonych raślin: bolšaści ź ich treba dostup da soniečnaha śviatła na praciahu davoli doŭhaha času, kab mieć mahčymaść fotasintezu, bieź jaho raśliny zahinuć. Kali žadajecie abaranić raślinu ad choładu, chacia b pakidajcie na pavietry viečnazialonyja nadziemnyja častki raślin.

Narešcie, prybirajcie liście, kali jano maje prykmiety chvaroby ci infiekcyi. Kali chvareje dreva, jaho liście moža pieranosić infiekcyju, jakaja takim čynam pierakiniecca na inšyja raśliny ŭ sadzie. Heta datyčycca ŭsich dreŭ, ale asabliva aściarožnymi treba być z pładovymi parodami. Tamu kali vy bačycie, što liście maje karyčnievy koler ci niepryhožyja plamy na im, treba jaho jak maha chutčej prybrać, a lepiej spalić. Nie rabicie ź ich kamposnaje ŭhnajeńnie, bo heta taksama moža spryjać raspaŭsiudu infiekcyi.

Možna stvaryć ź liścia nasypy vakoł stvałoŭ drevaŭ i kustoŭ. Heta naturalny sposab efiektyŭna abaranić raślinu ad choładu, a taksama mahčymaść stvaryć miesca zimoŭki dla vožykaŭ z sadu. Ale viasnoj liście treba budzie prybrać — naprykład, pieranieści jaho ŭ kampost.

«Naša Niva» — bastyjon biełaruščyny

PADTRYMAĆ

Kamientary2

  • sert
    25.10.2022
    živu v sriedniej časti šviecii: v sadu bieriezy, osiny, kleny. osieńju lisťja ležaŝije na travianoj časti sada pieriemielivajutsia s pomoŝju hazonokosiłki v truchu i ležat kak udobrienije dla travy. ostalnyje lisťja raskidyvajutsia v ohorodie, słužat udobrienijem dla ovoŝiej. lisťja pieriehnivajut očień bystro, pieriehnoj samyj łučšij. tam čiervi ustraivajut party-party. posadili v kuču ležałych około 6 miesiaciev lisťjev rostok dyni, tak iz etoho rostka dynia razrosłaś na płoŝadi 10x10 mietrov. bolšie 60 diekorativnych dyń sobrali i prodali pieried halloween. sžihať lisťja eto sovietskije "učienyje" vam mohut posovietovať, nu i dieriev́ja i bordiury v biełoje pokrasiť))
  • Siroža
    26.10.2022
    Jakiś pseudanavukovy artykuł.  Samyja prahresiŭžnaja bijołahi śvietu, radzieckija vajskovyja u načale z kibierhienieraliśsimusam Łukašyni dakazali usiamu s'vietu, što liście treba tščacielna źbirać abstukivaja kožnaje dreva kałatuškaj da taho momantu, poki nie spadnie apošni liścik, Tolki tady dreva možna z supakojem pakłaści spać i nadychodzić harmonija u hałavie pryrody. Cheta tolki dla nataŭskich chultajoj ničocha nie treba rabić. ;-)
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Chto haniaje na kvadracykłach pa haradziščy na Miency?1

Chto haniaje na kvadracykłach pa haradziščy na Miency?

Usie naviny →
Usie naviny

Cichanoŭskaja ŭ Miunchienie: Patrabujem, kab rasijskija vojski byli vyviedzienyja nie tolki z Ukrainy, ale i z našaj ziamli37

La bierahoŭ Čyli harbaty kit prahłynuŭ rybaka, što płavaŭ u akijanie, a potym vyplunuŭ jaho3

«Adśviatkavać pačatak novaha žyćcia». Byłyja palitviaźni pra pačućci i kachańnie

Rasijski dron atakavaŭ i prabiŭ sarkafah nad Čarnobylskaj AES16

Kryścina Cimanoŭskaja prakamientavała zajavu Śledčaha kamiteta i «pierapisku» ź Iharam Turam27

Samalot ź dziaržsakratarom ZŠA, što lacieŭ u Miunchien, ekstranna viarnuŭsia2

Maładaja doktarka ź Minska raskazała pra bol usich učastkovych terapieŭtaŭ10

Biełaruski dalnabojščyk, jaki źnik u Polščy, imavierna, pamior2

Čyrvony kaścioł u Minsku pakul nie adčyniać1

bolš čytanych navin
bolš łajkanych navin

Chto haniaje na kvadracykłach pa haradziščy na Miency?1

Chto haniaje na kvadracykłach pa haradziščy na Miency?

Hałoŭnaje
Usie naviny →

Zaŭvaha:

 

 

 

 

Zakryć Paviedamić