Dziaŭčyna zapraviła aŭtamabil za dva kiłamietry ad siabie. Jak tak atrymałasia?
Zdareńnie adbyłosia kala vioski Paharany ŭ Hrodzienskim rajonie.
Dziaŭčyna pryjechała na AZS, apłaciła paliva, ale za jaje srodki zapraviŭsia aŭtamabil na Indurskaj šašy, paviedamlaje Autogrodno.by.
«Ja karystajusia sistemaj «Apłaci». Jaje sutnaść u tym, što ty padjazdžaješ da kałonki i zapuskaješ na telefonie prahramu, dzie treba ŭkazać AZS, kałonku i vid paliva. Hrošy z prahramy sčytvajucca i paliva padajecca. Hetym razam adbyłosia niešta dziŭnaje. Kali ja paznačyła 4-ju kałonku i vybrała AI-92, u mianie śpisalisia hrošy, ale paliva nie pajšło. Ja padyšła da apierataraŭ AZS i mnie dapamahli razabracca.
Akazvajecca, roŭna ŭ toj momant, kali jana aktyvavała apłatu, na Indurskaj šašy taksama na 4-j kałoncy sprabavała zapravić AI-92 u svoj čorny BMW inšaja dziaŭčyna. Adbyŭsia niejki zboj u prahramie i apłata pajšła joj.
Jak raskazali apieratary AZS na Indurskaj šašy, sapraŭdy, pryjechała dziaŭčyna, ustaviła pistalet ad bienzakałonki ŭ svoj BMW i pajšła da kasy. Kali jana pryjšła apłačvać paliva, apieratar joj paviedamiŭ, što jaje mašyna ŭžo zapraŭlena i paliva apłačana. Dziaŭčyna była vielmi ździŭlenaja, sprabavała daviedacca, kamu joj zaraz viarnuć hrošy, chto pamyliŭsia kałonkaj, ale apieratary i sami ŭ toj momant nie razumieli, što adbyvajecca.
Jak ciapier vyhladaje palitźniavoleny Ihar Łosik FOTA1
Kamientary