Infakazačka Bondarava pastupiła ŭ BDPU. Zdahadajciesia, na jakuju śpiecyjalnaść
Imia Volhi Bondaravaj «Naša Niva» pabačyła ŭ śpisach pieršakurśnikaŭ na sajcie ŭniviersiteta.
![](http://nashaniva.com/img/w732d4webp1/photos/z_2022_10/2022-06-078-eyiuh-8yjxg.png.webp)
Ruskaja šavinistka z Hrodna Volha Bondarava, jakuju vykarystoŭvajuć u svaich metach łukašysty, sioleta pastupiła ŭ Piedahahičny ŭniviersitet u Minsku.
Vučycca jana za košt respublikanskaha biudžetu na dzionnym adździaleńni fiłałahičnaha fakulteta, śpiecyjalnaść — «Biełaruskaja mova i litaratura».
![](http://nnexpictures.fra1.digitaloceanspaces.com/img/w732d4webp1/photos/z_2022_10/2022-10-27122634-1tmi2.jpg.webp)
U roli studentki Bondarava paśpieła zaśviacicca padčas forumu «Biełaruś adzinaja», jaki byŭ arhanizavany ŭładami da «Dnia narodnaha adzinstva», na im havaryli pra Kurapaty.
Padčas forumu studentka Volha Bondarava «dyskutavała» z Vadzimam Hihinym i Iharam Marzalukom. Jana kazała, što «nielha źmiešvać represii dziaržavy pa sudzie z hitleraŭskim hienacydam pahałoŭna ŭsiaho naroda».
«Naša Niva» patelefanavała Volzie Bondaravaj, kab daviedacca, čamu jana vyrašyła atrymać adukacyju piedahoha i čamu abrała mienavita biełaruskuju movu i litaraturu. Razmaŭlać Bondarava nie stała, pakłała słuchaŭku.
Kamientary