Biełaruski akcior Jaŭhien Smaryhin zdaŭ ekzamien pa movie dla atrymańnia ŭkrainskaha hramadzianstva
Były hulec viadomaj biełaruskaj kamandy KVZ «ČP», akcior «Dyziel-šou» Jaŭhien Smaryhin zdaŭ ispyt pa movie na atrymańnie ŭkrainskaha hramadzianstva, piša 24 kanał.
«Ja chaču atrymać ukrainskaje hramadzianstva, tamu što tut maja siamja, tut maje dzieci, tut maja žonka-ŭkrainka. I tamu ja liču, što pavinien być ukraincam», — raspavioŭ Jaŭhien.
Jaŭhien zapeŭniŭ, što zdać ekzamien pa ŭkrainskaj movie jamu było niaciažka. Jon jaje dobra viedaje, ale imkniecca vyjści na taki ŭzrovień, kab havaryć svabodna.
Jon raspavioŭ, jak zdavaŭ ekzamien. «Prychodziš u kłas va ŭniviersitecie. Maleńki kabiniet, kamiera pierad taboju. Jość zadańni, jakija ty vykonvaješ. Mnie było vielmi lohka. Nu, naprykład, zadańnie: jość fota siamji na pikniku, a ty apisvaješ, što tam adbyvajecca. Usio zapisvaje kamiera. Abo jość inšaje zadańnie: historyja, u jakoj nie chapaje słoŭ. I pišaš, ustaŭlaješ słovy, jakija ličyš patrebnymi. Heta było niaciažka. Na ŭsio dajecca hadzina. Na ŭzrovień dla atrymańnia hramadzianstva ja prajšoŭ».
Jaŭhien hladzić filmy i sieryjały tolki na ŭkrainskaj movie. Jon vyvučaje ŭkrainskuju padčas pracy i dla pracy: «U nas jašče vielmi dobraja praktyka. Jość sieryjał «Na traich». Jon idzie na ICTV. Ale kanał zahadaŭ pierakłaści ŭsie 8 siezonaŭ z ruskaj movy na ŭkrainskuju. I voś ja pierakładaju anłajn, sam čuju, jak ja havaru. I jość supracoŭnik, jaki nas usich vypraŭlaje. I heta vielmi dobraja praktyka. Pracuješ, a zaadno i ŭkrainskuju movu vučyš».
Jaŭhien Smaryhin naradziŭsia i vučyŭsia ŭ Minsku. U 2005 hodzie pierajechaŭ u Kijeŭ. Žanaty na ŭkraincy Lidzii, maje traich dziaciej. Baćki i starejšy brat Jaŭhiena žyvuć u Biełarusi.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary