Žychar Bubnaŭ (Vilejski rajon Minskaj vobłaści), 20‑hadovy A., prachodziačy słužbu ŭ čaści №3310 unutranych vojskaŭ u Minskim rajonie, 5 kastryčnika samavolna pakinuŭ čaść.
Paśla hetaha ŭ vioscy Raŭbičy, pahražajučy vadzicielu aŭtamabila «Ford» raspravaj, sprabavaŭ zabrać u jaho mašynu.
Načalnik pres‑słužby ŭnutranych vojsk Siarhiej Kabakovič raskazaŭ: «5 kastryčnika, znachodziačysia ŭ sutačnym naradzie, z čaści №3310, što dysłakujecca ŭ vioscy Akolica Minskaha rajona, pajšoŭ vajskoviec. Z saboj jon prychapiŭ štyk‑nož. Paśla hetaha ŭciakač sprabavaŭ zavałodać transpartnym srodkam cyvilnaj asoby, ale nie zdoleŭ i ź miesca zdareńnia źnik. N
a nastupny dzień, 6 kastryčnika, sałdata ŭ Minsku zatrymali vajskoŭcy ŭnutranych vojsk sumiesna z supracoŭnikami milicyi. Ciapier jon znachodzicca pad śledstvam».
Pavodle infarmacyi pres‑centra abłasnoha ŭpraŭleńnia ŭnutranych spraŭ, kryminalnaja sprava pa napadzieńni na vadziciela «Forda» zaviedziena pa artykule «Rabaŭnictva». 8 kastryčnika sprava ŭžo znachodziłasia ŭ vajennaj prakuratury.
U Daŭhinaŭskim sielsaviecie raskazali, što siamja chłopca dobraja, ich dom uzornaha paradku. Słužyć A. pajšoŭ hetym letam paśla zakančeńnia Iljanskaha technikuma. Pa papiarednich dadzienych, na prablemy ŭ słužbie baćkam A. nie skardziŭsia.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary