Nastaŭnica z Homiela, jakaja była pad śledstvam, stała videabłohieram u Turcyi
Byłaja dyrektarka škoły №41 Homiela Śviatłana Panamarenka (Svetlana Gönül) zaviała videabłoh, u jakim raspaviadaje pra žyćcio ŭ Turcyi. Pakul u kanała krychu bolš za 600 padpisčykaŭ, a videa nabirajuć u siarednim niekalki socień prahladaŭ, piša «Fłahštok».
Eks-hamialčanka raspaviadaje hledačam pra «budni tureckaj žonki» — jana vyjšła zamuž za turka i źjechała da jaho ŭ Antaliju paśla taho, jak zvolniłasia z pasady dyrektara.
U pačatku 2021 hoda Panamarenka stała padazravanaj pa kryminalnaj spravie — jaje abvinavacili ŭ chabarnictvie. Ale na praciahu 8 miesiacaŭ śledstva nie zmahło vystavić abvinavačvańni.
U svaich videa byłaja dyrektar čaściej za ŭsio raspaviadaje pra miascovyja kulinarnyja vynachodstvy, a taksama pra šopinh i adpačynak u Turcyi, asablivaści žyćcia ŭ krainie.
Panamarenka abvinavačvali taksama ŭ falsifikacyi vybaraŭ — jak minimum trojčy jana ŭznačalvała ŭčastkovuju vybarčuju kamisiju ŭčastka dla hałasavańnia № 14 Homielskaj-Navabielickaj vybarčaj akruhi.
Na hetuju rolu vyłučałasia ad Navabielickaj rajonnaj arhanizacyi HA «Biełaruski fond miru». U adpaviednaści ź infarmacyjaj, sabranaj płatformaj «Zubr», na apošnich vybarach na ŭčastku, jaki ŭznačalvała Panamarenka, dvojčy byli zafiksavanyja niesupadzieńni kolkaści ludziej, jakija prahałasavali pa padlikach naziralnika, sa źviestkami z pratakoła kamisii. Pry hetym na ŭčastak nie byŭ dapuščany akredytavany naziralnik. U adpaviednaści z pratakołam, jaki padpisała Śviatłana Panamarenka, na ŭčastku 9 žniŭnia 2020 hoda kandydat Łukašenka nabraŭ 81,9% hałasoŭ vybarščykaŭ. U realnaści, u Homieli ŭ tym liku, pavinna była pieramahčy Śviatłana Cichanoŭskaja.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary