Łatuška: Paśla 2020 hoda Makiej pačaŭ šukać vychad, jakoha časta šukajuć ludzi pad psichałahičnym ciskam i jaki pačaŭ psavać jaho zdaroŭje
«Jon najbolš z usich viedaŭ pryvatnaje žyćcio Łukašenki», — kaža Pavieł Łatuška pra ministra Makieja. Što mahło stać pryčynaj śmierci i chto moža stać nastupnym ministram zamiežnych spraŭ? Hladzicie ŭ videa.
«Ja pracavaŭ ambasadaram u Paryžy i Madrydzie. Zamiežnyja ambasadary pytalisia ŭ mianie: «Ci mahčyma, što Makiej moža stać kankurentam dla Łukašenki na bližejšych vybarach, jakija adbuducca ŭ 2020 hodzie?» Moj adkaz tady byŭ: «Tak, heta mahčyma».
Mnie padajecca, što Makiej u 2020 hodzie zdradziŭ sam sabie. U hłybini heta biełaruski chłopiec, što naradziŭsia na Haradzienščynie. Ź inšaha boku, heta toj čałaviek, jaki, pracujučy pieršym pamočnikam Łukašenki, pracujučy 24 hadziny, 7 dzion na tydzień, mieŭ niepasredny dostup da Łukašenki. Jon moh patelefanavać, źniać trubku, moh vykanać luboje asabistaje daručeńnie, nie datyčnaje navat słužbovych abaviazkaŭ. Zrazumieła, Łukašenka nie raździalaje słužbovaje i asabistaje.
Jon toj čałaviek, jaki najbolš (ja ryzyknu heta skazać) z usich dziaržaŭnych čynoŭnikaŭ viedaŭ pryvatnaje žyćcio Łukašenki», — skazaŭ Łatuška.
Łatuška miarkuje, što Makiej paśla 2020 hoda pieražyvaŭ vielmi mocny psichałahičny cisk i ŭnutranaje padzieńnie.
«Jon byŭ usio ž taki pieršym pamočnikam Łukašenki, kiraŭnikom administracyi. A ŭ našaj sistemie ŭłady treba zrazumieć, što nie premjer-ministr druhaja asoba, a mienavita kiraŭnik administracyi faktyčna kiruje krainaj ci retranśluje kiravańnie ad imia Łukašenki. Apuściŭšysia na ŭzrovień ministra, jon zrabiŭ kroki, kab palepšyć adnosiny ź ES», — skazaŭ Pavieł Łatuška.
Na jaho dumku, takim čynam Makiej zarabiŭ ački pierad Łukašenkam, ale paśla 2020 hoda heta ŭsio abnuliłasia.
«Makiej staŭ nikim dla Łukašenki», — raskazvaje Łatuška.
Čytajcie taksama:
Ruka Maskvy, pomsta Łukašenki ci prosta infarkt?
Stała viadomaja imaviernaja pryčyna śmierci Makieja
Jak Makiej pravioŭ svoj apošni tydzień
Cichanoŭskaja vykazałasia pra śmierć Makieja
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska58
Kamientary