U «Siličach» i «Łahojsku» adkryli zimovy siezon. Kolki kaštuje prakacicca?
Jakija ceny na harnałyžnych kurortach niedaloka ad Minska? Na adkryćci siezona pabyvaŭ «Anłajnier».
«Siličy»
Učora «Siličy» ŭračysta adkryli try schiły: pieršy, treci i navučalny.
Dyskamfortu ad cen łyžniki nie adčuvajuć, choć i papiaredžvajuć, što na načny sieans narodu budzie bolš: tak tańniej. Čerhaŭ u kasy i za abmundziravańniem niama. Parkoŭka pakul jašče nie pierahružanaja.
Zakładny košt ski-pasa — 10 rubloŭ. Viarnuć hetyja hrošy možna ŭ aŭtamatach, raźmieščanych u punkcie prakatu. Načnyja katańni ź dziesiaci viečara da dvuch nočy abyducca ŭ 30 rubloŭ. Hadzina katańnia ŭ budni kaštuje 15 rubloŭ, dźvie — 25, try — 30. U vychadnyja i śviatočnyja dni ceny pavyšajucca, a kali paraŭnoŭvać ich ź minułym hodam — bačny rost u rubiel—dva.
Naohuł, katacca na schile zusim nie abaviazkova, jość proćma inšych zaniatkaŭ: łaźni, spartzały, restarany, katedžny haradok, tralejnaja trasa (na žal, nie pracuje). Dadałosia fud-kortaŭ i manhałaŭ z šašłykom. Ceny na ježu stabilnyja i nie adroźnivajucca ad staličnych.
«Uvieś harnałyžny siezon my padzialili na 3 padsiezony ŭ adpaviednaści z zahruzkaj: u nizki siezon (da 23 śniežnia) ceny na pražyvańnie zastajucca raniejšymi, ale svabodnych numaroŭ z kožnym dniom usio mienš. U pieryjad kaladnych śviataŭ ceny samyja vysokija, a ŭžo ŭ studzieni, kali ŭsie trasy adkrytyja i režym pracy stabilizavany, ceny zafiksujuć na siarednim uzroŭni», — raspaviadajuć supracoŭniki kompleksu.
Harnałyžny kamplekt i kamplekt dla snoŭborda na hadzinu kaštujuć 15 rubloŭ, na dzień — 30. Šlem abydziecca ŭ 3 rubli za hadzinu vykarystańnia (bieź jaho na schił nie puściać).
«Łahojsk»
Tut taksama dadzieny papiaredni start. Całkam zaśniežanyja vučebnaja i čaćviortaja trasy.
Pracujuć punkty prakatu łyž i snoŭbordaŭ. Na kompleksie ŭžo praktykujuć načnyja zajezdy, jakija doŭžacca da 2-j nočy.
Nabyć ski-pas možna ŭ centralnaj kasie, kala punkta prakatu hornych łyž. Taksama dla naviedvalnikaŭ adkrytyja dźviery restarana, natoplenyja łaźni, padrychtavanyja numary i domiki dla pražyvańnia. Usio tolki-tolki pačynajecca, i praciahniecca heta łyžnaja viesiałość da krasavika, kali hetyja ž ekstremały źbiarucca na «Kalifarniaku» — kaściumavanym zajeździe sa skačkami ŭ vadu, jaki aznačaje zakryćcio siezona.
Ciapier čytajuć
Što Babaryka i Kaleśnikava adkazali na pytańni pra vajnu84
Kamientary