5 miljonaŭ 280 tysiač rubloŭ znikli z chaty piensijaniera ŭ vioscy Darlivaja Kryčaŭskaha rajona paśla vizitu nieznajomaj žančyny, paviedamili ŭ pres‑słužbie UUS Mahiloŭskaha abłvykankama.
9 kastryčnika dźvie žančyny pryjechali na «Žyhulach» u addalenuju i małanasielenuju viosku. Adna z ich zavitała da 85‑hadovaha dzieda i patłumačyła jamu, što, pavodle zadańnia rajonnych uładaŭ zajmajecca pierapisam. Haspadar viedaŭ pra aktualnuju ŭ hramadstvie padzieju, ale nie pravieryŭ dakumienty ŭ iłžepierapisčycy. Jon davierliva prynios joj pašpart, a pakul taja zapaŭniała niejkija papiery, litaralna na chvilinku vyjšaŭ z pakoja.
Hetaha času zładziejcy chapiła, kab adšukać hrošy: pakunak z hrašovymi znakami zachoŭvaŭsia pad abrusam na stale.
Vyśvietliłasia, što piensijanier litaralna dniami pradaŭ kania i furmanku. Ciapier prybytak znik, a žančyn šukaje milicyja.
U hety ž dzień hrošy znikli jašče ŭ dźviuch piensijanierak. Praŭda, u hetych vypadkach nieviadomyja žančyny nazyvalisia pažyłym ludziam sacyjalnymi rabotnikami. U Babrujsku 63‑hadovaja piensijanierka niedaličyłasia 120 tysiač rubloŭ paśla taho, jak da jaje zavitali dźvie žančyn. A z kvatery 90‑hadovaj babuli ŭ Škłovie vizit dźviuch cyhanak zaviaršyŭsia strataj u 1 miljon rubloŭ.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary