Raniej my pisali pra maładoha chłopca, jakoha asudzili na «sutki» za toje, što jon «kpiŭ z rasijskich siłavikoŭ». Stała viadoma, što ciapier jaho vyrašyli pakarać «kryminałkaj».
«Naša Niva» vyśvietliła imia represavanaha. Maksimu Aŭčarenku 24 hady i jon z Marjinaj Horki. Jak my pisali ŭ našym minułym artykule, chłopiec u 2019 hodzie pastupiŭ na histfak Biełaruskaha dziaržaŭnaha piedahahičnaha ŭniviersiteta, ale byŭ adličany z treciaha kursa (pa źviestkach adnakurśnikaŭ, nie pa palityčnych matyvach).
HUBAZiKaŭcy tady abvinacili jaho ŭ tym, što jon «kpiŭ z rasijskich siłavikoŭ» i «abraziŭ Łukašenku» ŭ svaim błohu Ukantakcie. Tady jany chłuśliva paviedamili, što suprać jaho zaviedzienaja kryminalnaja sprava.
Praz paŭtara miesiacy paśla hetaha ŭ jahonym tvitary źjaviŭsia dopis pra toje, što jon vyjšaŭ z-za krataŭ.
U kanale siłavikoŭ paviedamlajecca, što suprać chłopca ciapier zaviedzienaja kryminalnaja sprava za «demanstracyju nacysckaj simvoliki» pa art. 341-1 KK Biełarusi. Na videa siłavikoŭ demanstrujucca staryja dopisy — u asnoŭnym ź biełaruskaj i ŭkrainskaj simvolikaj — i navat nie jasna: ci była ŭ chłopca mahčymaść ich vydalić, ci jon byŭ zatrymany adrazu paśla vychadu z-za krataŭ.
Čytajcie jašče:
Zatrymali błohiera — vinavaciać u tym, što «kpiŭ z rasijskich siłavikoŭ»
Zatrymali administrataraŭ «Typovaj Sierabranki», adnaho z najstarejšych rajonnych čataŭ u Biełarusi
Ciapier čytajuć
Historyja aryštu mazyrskaj błohierki, jakaja niekalki hadoŭ chavałasia ad siłavikoŭ, akazałasia dramatyčnaj6
Kamientary
Ale ž "Adnakłaśniki" z "VK" - heta samamu na siabie pisać "opieru"!
Jak u starym saŭkovym aniekdocie:
- Alo, padkažycie, jak zvanić u KDB?
- Nabirajcie luby numar, my vas słuchajem!