Prajdzicie hastranamična-histaryčnuju viktarynu pa biełaruska-jaŭrejskaj kuchni
Viktaryna — častka treciaha biełaruska-jaŭrejskaha fiestyvalu, pa tradycyi prymierkavanaha da śviata Chanuka.
«Heta ž zvyčajnyja draniki!»
«A maja mama tak hatavała «babku»!»
«Voś što prydumali: samyja zvyčajnyja koržyki sa školnaha bufieta».
Padobnaje ździŭleńnie možna zrazumieć, kali čałaviek upieršyniu čuje pra łatkies, kuhiel i ziemiełach.
Viadoma, što jaŭrejskaja hramada, u jakoj by častcy śvietu jana nie znachodziłasia, zaŭsiody była vielmi zakrytaja. Ale navat niahledziačy na heta, u jaje kuchniu — u sposaby hatavańnia i nabor praduktaŭ — niaźmienna pranikali tradycyi miascovaha nasielnictva. Biełaruś — nie vyklučeńnie z hetaha praviła.
Sioleta sumiesna z historykam i kulinarnym etnohrafam Alesiem Biełym biełaruska-jaŭrejski fiestyval padrychtavaŭ hastranamična-histaryčnuju viktarynu: 12 pytańniaŭ pra toje, čamu jaŭrejskaje «kiškie» zusim nie kiška, jakaja jaŭrejskaja strava była ŭ mieniu na «Tytaniku» i pra što śpiavałasia ŭ papularnym rock-n-roll chicie 50-ch?
Vy nie tolki zmožacie pravieryć svaje viedy pra asablivaści biełaruska-jaŭrejskaj kuchni, ale taksama daviedajeciesia šmat novych i niezvyčajnych faktaŭ. Upeŭnienyja, što pytańni prymusiać vas dobra zadumacca.
Zyčym pośpiechu i nie zabudźciesia padzialicca vynikami testu ź siabrami, nu i z mamaj, viadoma.
Viktaryna — častka 3-ha biełaruska-jaŭrejskaha fiestyvalu, pa tradycyi prymierkavanaha da śviata Chanuka. Sioleta jano projdzie ŭ niezvyčajnym farmacie: arhanizatary, Centr biełaruska-jaŭrejskaj kulturnaj spadčyny, vyrašyli pravieści niekalki sustreč u roznych krainach, kab dać mahčymaść ubačyć adno adnaho i adčuć adzinstva nasupierak razłučanaści. A taksama ŭzhadać tuju hłybokuju historyju, jakaja abjadnoŭvaje biełaruskich jaŭrejaŭ i źviazvaje ich z suśvietnaj kulturaj.
Padrychtavana šmat cikavych prajektaŭ u Tel-Avivie, Vilni, Varšavie, Łondanie i anłajn na płatformie fiestyvalu: https://belarusianjewish.com.
-
Alona Łanskaja raskazała, jak stvaryła klip z dapamohaj štučnaha intelektu
-
Adnaho nazyvali biełaruskim Šalapinym, a druhoha — załatym hołasam Biełarusi. Ale žyćci abodvuch artystaŭ trahična abarvalisia
-
U Žyrovicach staviać novyja pazałočanyja ikanastasy ŭ ruskim styli. Baročny ikanastas carkoŭniki śpisali ŭ muziej
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary
a. 04.2011 (rasśledvańnia teraktu ŭ minskim mietro izrailskimi śpiecami)
b. 2022 (abychodžańnia z boku izraila z ukrainskimi biežancami)