Arastovič raspavioŭ, ci moža Ukraina ŭdaryć pa Minsku, kab zabić tam Pucina
Daradca Ofisa prezidenta Ukrainy Alaksiej Arastovič paćvierdziŭ u prahramie «Fiejhin LIVE», što USU sprabavali zabić načalnika rasijskaha Hienštaba Valeryja Hierasimava padčas jahonaha vizitu va Ukrainu, i adkazaŭ, ci mahčymy taki ŭdar u Minsku pa hałoŭnakamandujučym varožaj armii, prezidencie RF Uładzimiru Pucinie.
Pa słovach Arastoviča, USU nieadnarazova bili pa vysokich rasijskich načalnikach, jakija zajazdžali na ŭkrainskuju terytoryju. «Ukrainskaje kiraŭnictva — biez santymientaŭ: jość cel — značyć bjuć», — skazaŭ jon.
«Hierasimaŭ byŭ u Iziumie, i my bili pa Hierasimavu. My nakryli štab, u jakim jon byŭ, raźnieśli ŭvieś, u nul, tam zahinuła dastatkovaja kolkaść staršych aficeraŭ, achovy i hetak dalej, ale jon paśpieŭ adjechać krychu raniej», — raspavioŭ Arastovič.
«Voś Pucin budzie ŭ Minsku, udarycie pa Minsku?» — spytaŭ Fiejhin.
«Minsk — heta ž Biełaruś. My nie robim ničoha, kab uciahnuć Biełaruś u vajnu, kab dać nahodu», — adkazaŭ Arastovič.
Pa jaho słovach, heta nie pytańnie santymientaŭ. «My prosta praktyčnyja. My mety i zadačy našy vyrašajem i srodki padbirajem u zaležnaści ad taho, ci pracujuć hetyja srodki na dasiahnieńnie metaŭ. Źniščeńnie Hierasimava razam sa štabam pracavała na dasiahnieńnie metaŭ — jak minimum źbivała tempy rasijskaha nastupu. Udar pa Minsku, pa Pucinie — nieviadoma dakładna, dzie Pucin budzie znachodzicca, biez harantyi, nakryvajem my jaho, nie nakryvajem — heta budzie ŭdar pa stalicy Biełarusi, družalubnaha nam naroda, jaki akupavany častkova rasijskimi vojskami pry paturańni režymu, jaki ciapier kiruje Biełaruśsiu. A nie daj Boh zahinie biełarus mirny, čaho my damožamsia? Pucina nie zabjom, biełarusy mirnyja zahinuli, i Pucin skaža Łukašenku: bačyš, ja ž tabie havaryŭ. A Łukašenka skaža svajoj armii i narodu: ja ž vam havaryŭ, davajcie pomścić ukraincam. I čaho my dasiahniom?»
Na pytańnie Fiejhina, što budzie, kali ŭsio ž pačniecca ŭvarvańnie z boku Biełarusi, Arastovič adkazaŭ, što na vajnie jak na vajnie i tady heta budzie inšaja sprava.
«Navat kali jany 19-ha [śniežnia] prymuć rašeńnie ab napadzie, rychtavacca da napadu jany buduć miesiacy dva, a moža być, i ŭsie try», — vykazaŭ mierkavańnie Arastovič.
STB: Rasija navat ćvika zrabić nie moža, a Pucin čałaviek z asablivaściami
Staś Karpaŭ: Biełaruś — idealny prykład taho, što zdarajecca z krainaj, dzie ruskim dajuć usio, čaho jany patrabujuć
Uvosień kolkaść palityčnych zatrymańniaŭ vyrasła ŭ try razy. Jość niekalki tendencyj
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm19
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1313
Kamientary