Mikałaja Kazłova pieravieźli ŭ mahiloŭskuju turmu, nie čakajučy razhladu apielacyi
Nie čakajučy razhladu apielacyjnaj skarhi na rašeńnie suda, kiraŭnika Abjadnanaj hramadzianskaj partyi pieravieźli ź Minska ŭ Mahiloŭ. Mikałaj Kazłoŭ byŭ asudžany na dva z pałovaj hady pazbaŭleńnia voli za ŭdzieł razam z kalehami pa partyi ŭ adnym z maršaŭ pratestu.
Na sudzie jon nazvaŭ abvinavačvańnie «sumieśsiu dziŭnaj łohiki i niastrymnaj fantazii». A na pytańnie suda, ci pryznaje svaju vinu, Kazłoŭ adkazaŭ: «Ja pryznaju siabie bolš paciarpiełym, čym vinavatym».
Adbyvać pakarańnie Mikałaj Kazłoŭ budzie ŭ Mahilovie. Ciapier jon znachodzicca ŭ izalatary mahiloŭskaj turmy №4. Cikava, što ŭ hetuju ŭstanovu adzin partyjec prybyŭ, adzin vybyŭ. Tak, u minułuju subotu mienavita adsiul vyjšaŭ na volu člen Abjadnanaj hramadzianskaj partyi, viadomy błohier Alaksandr Kabanaŭ.
Usiaho ciapier za kratami znachodziacca dvanaccać členaŭ AHP, jakich raskidali pa ŭsioj krainie. Akramia Mikałaja Kazłova, heta Antanina Kavalova, Aksana Alaksiejeva, Dzijana Čanušyna (znachodziacca ŭ homielskim śledčym izalatary), Andruś Asmałoŭski (SIZA-6 u Baranavičach), Artur Smalakoŭ (viciebskaje SIZA-2), Leanid Sudalenka i Alaksandr Nahieła (kałonija «Vićba»), Uładzimir Niapomniaščych i Andrej Kudzik (PK № 15, Mahiloŭ), Anton Babroŭ (kałonija ŭ Ivacevičach) i Ramuald Ułan, jaki adbyvaje «chimiju» ŭ Homieli.
Tyja, chto pakul u śledčym izalatary, čakajuć abskardžańnia pryhavoraŭ.
-
U Litvie praciahvaje skaračacca kolkaść biełarusaŭ. Jak za hod źmianilisia ličby
-
«Heta maja vialikaja pieravaha, što ja nie sprabuju siłaj niejak utrymać uładu». Łukašenka paabiacaŭ biełarusam składany hod
-
«Miarkuju, Makiej by ŭchvaliŭ». Aŭtar pomnika kiraŭniku MZS raskazaŭ, jakija sensy ŭkłaŭ u jaho
«Miarkuju, Makiej by ŭchvaliŭ». Aŭtar pomnika kiraŭniku MZS raskazaŭ, jakija sensy ŭkłaŭ u jaho7
Kamientary