Łukašenka zaćvierdziŭ śpis vyšejšych čynoŭnikaŭ, abaviazanych prachodzić miedycynski ahlad

Zhodna z ukazam, miedycynski ahlad prachodziać čynoŭniki, jakija źjaŭlajucca kandydatami na nastupnyja pasady:

— premjer-ministr Respubliki Biełaruś i jaho namieśniki;

— staršynia Kanstytucyjnaha Suda i jaho namieśnik;

— staršynia Viarchoŭnaha Suda Respubliki Biełaruś i jaho namieśniki;

— kiraŭnik Administracyi i jaho namieśniki;

— dziaržaŭny sakratar Rady Biaśpieki i jaho namieśniki (kali pryznačajecca cyvilny);

— staršynia Kamiteta dziaržaŭnaha kantrolu i jaho namieśniki;

— hienieralny prakuror i jaho namieśniki;

— staršynia praŭleńnia Nacbanka i jaho namieśniki;

— kiraŭnik spravami i jaho namieśniki;

— staršynia Kamiteta dziaržaŭnaj biaśpieki i jaho namieśniki (kali pryznačajecca cyvilny);

— staršyni abłvykankamaŭ, Minskaha harvykankama i ich namieśniki;

— staršynia Centralnaj vybarčaj kamisii;

— načalnik Słužby biaśpieki;

— načalnik Apieratyŭna-analityčnaha centra (kali pryznačajecca cyvilny);

— staršynia Śledčaha kamiteta i jaho namieśniki (kali pryznačajecca cyvilny);

— staršynia Dziaržaŭnaha kamiteta sudovych ekśpiertyz i jaho namieśniki (kali pryznačajecca hramadzianski);

— staršynia Prezidyuma Nacyjanalnaj akademii navuk Biełarusi i jaho namieśniki;

— staršynia Nacyjanalnaha statystyčnaha kamiteta i jaho namieśniki;

— staršynia Vyšejšaj atestacyjnaj kamisii i jaho namieśnik;

— načalnik Dziaržaŭnaj inśpiekcyi achovy žyviolnaha i raślinnaha śvietu i jaho namieśniki;

— ministry, staršyni dziaržaŭnych kamitetaŭ, padparadkavanych Savietu Ministraŭ, i ich namieśniki;

— kiraŭnik Aparata Savieta Ministraŭ Respubliki Biełaruś;

— upaŭnavažany pa spravach relihij i nacyjanalnaściaŭ;

— nadzvyčajnyja i paŭnamocnyja pasły, pastajannyja pradstaŭniki Respubliki Biełaruś pry mižnarodnych arhanizacyjach;

— pamočniki prezidenta;

— pres-sakratar prezidenta;

— staršyni harvykankamaŭ i rajvykankamaŭ, kiraŭniki administracyj rajonaŭ u haradach.

Jany abaviazany prajści miedkamisiju pa nakiravańni dziaržorhanaŭ, jakija ŭklučyli ich u śpis kandydataŭ na pasadu. Jość tolki adno vyklučeńnie — kali «inšaje rašeńnie nie pryniata prezidentam».

Miedahlad budzie pravodzić śpiecyjalna stvoranaja mižviedamasnaja miedycynskaja kamisija, jakaja budzie pracavać na bazie Respublikanskaha kliničnaha miedcentra Kiraŭnictva spravami. Jana ž zmoža nakiroŭvać čynoŭnikaŭ na miedyka-sacyjalnuju ekśpiertyzu.

• 0
• 0
• 21
• 0
• 2
• 0
• 3
• 0