Лукашэнка зацвердзіў спіс вышэйшых чыноўнікаў, абавязаных праходзіць медыцынскі агляд

Згодна з указам, медыцынскі агляд праходзяць чыноўнікі, якія з'яўляюцца кандыдатамі на наступныя пасады:

— прэм'ер-міністр Рэспублікі Беларусь і яго намеснікі;

— старшыня Канстытуцыйнага Суда і яго намеснік;

— старшыня Вярхоўнага Суда Рэспублікі Беларусь і яго намеснікі;

— кіраўнік Адміністрацыі і яго намеснікі;

— дзяржаўны сакратар Рады Бяспекі і яго намеснікі (калі прызначаецца цывільны);

— старшыня Камітэта дзяржаўнага кантролю і яго намеснікі;

— генеральны пракурор і яго намеснікі;

— старшыня праўлення Нацбанка і яго намеснікі;

— кіраўнік справамі і яго намеснікі;

— старшыня Камітэта дзяржаўнай бяспекі і яго намеснікі (калі прызначаецца цывільны);

— старшыні аблвыканкамаў, Мінскага гарвыканкама і іх намеснікі;

— старшыня Цэнтральнай выбарчай камісіі;

— начальнік Службы бяспекі;

— начальнік Аператыўна-аналітычнага цэнтра (калі прызначаецца цывільны);

— старшыня Следчага камітэта і яго намеснікі (калі прызначаецца цывільны);

— старшыня Дзяржаўнага камітэта судовых экспертыз і яго намеснікі (калі прызначаецца грамадзянскі);

— старшыня Прэзідыума Нацыянальнай акадэміі навук Беларусі і яго намеснікі;

— старшыня Нацыянальнага статыстычнага камітэта і яго намеснікі;

— старшыня Вышэйшай атэстацыйнай камісіі і яго намеснік;

— начальнік Дзяржаўнай інспекцыі аховы жывёльнага і расліннага свету і яго намеснікі;

— міністры, старшыні дзяржаўных камітэтаў, падпарадкаваных Савету Міністраў, і іх намеснікі;

— кіраўнік Апарата Савета Міністраў Рэспублікі Беларусь;

— упаўнаважаны па справах рэлігій і нацыянальнасцяў;

— надзвычайныя і паўнамоцныя паслы, пастаянныя прадстаўнікі Рэспублікі Беларусь пры міжнародных арганізацыях;

— памочнікі прэзідэнта;

— прэс-сакратар прэзідэнта;

— старшыні гарвыканкамаў і райвыканкамаў, кіраўнікі адміністрацый раёнаў у гарадах.

Яны абавязаны прайсці медкамісію па накіраванні дзяржорганаў, якія ўключылі іх у спіс кандыдатаў на пасаду. Ёсць толькі адно выключэнне — калі «іншае рашэнне не прынята прэзідэнтам».

Медагляд будзе праводзіць спецыяльна створаная міжведамасная медыцынская камісія, якая будзе працаваць на базе Рэспубліканскага клінічнага медцэнтра Кіраўніцтва справамі. Яна ж зможа накіроўваць чыноўнікаў на медыка-сацыяльную экспертызу.

• 0
• 0
• 21
• 0
• 2
• 0
• 3
• 0