Dziaržaŭnaje infarmacyjnaje ahienctva TASS publikuje ŭryŭki ź intervju ź ministram zamiežnych spraŭ Rasii Siarhiejem Łaŭrovym (całkam intervju abiacajuć apublikavać u 10:00 pa maskoŭskim časie). U adnym ź ich jon zaŭvažyŭ, što niechta ŭ Vašynhtonie vynošvaje płany fizičnaj likvidacyi rasijskaha prezidenta.
«Dalej za ŭsich pajšli ŭ Vašynhtonie: tam niejkija «nienazvanyja aficyjnyja asoby» ź Pientahona faktyčna pryhrazili nanieści pa Kramli «ŭdar, jaki abiezhałović» — pa sutnaści, havorka idzie pra pahrozu fizičnaj likvidacyi kiraŭnika rasijskaj dziaržavy. Kali takija idei na samaj spravie kimści vynošvajucca, hety chtości pavinien vielmi dobra padumać pra mahčymyja nastupstvy takich płanaŭ», — cytuje Łaŭrova TASS.
Łaŭroŭ nie ŭdakładniaje krynicu hetaj infarmacyi, ale pryviedzienyja im padrabiaznaści supadajuć z artykułam, jaki vyjšaŭ u Newsweek 29 vieraśnia — rasijskaje pasolstva ŭ ZŠA nieŭzabavie paśla publikacyi reahavała na jaho z abureńniem. Kali havorka sapraŭdy idzie pra jaho, to ministr taksama zamoŭčvaje kantekst. Artykuł vyjšaŭ u momant, kali Kreml nahniataŭ pahrozu prymianieńnia svajoj jadziernaj zbroi (u apošnija tydni hetyja pahrozy stali hučać niekalki radziej). U artykule abmiarkoŭvałasia, jak ZŠA buduć dziejničać, kali Rasija realizuje hetyja pahrozy; surazmoŭcy Newsweek padkreślivali, što navat u hetym vypadku ZŠA, chutčej za ŭsio, nie buduć adkazvać jadziernaj zbrojaj, kali tolki ataka nie razhorniecca na ich ułasnaj terytoryi, i ŭ hetym kantekście dapuskali niajadziernyja alternatyvy, u tym liku «udar, jaki abiezhałović, — zabje Pucina ŭ sercy Kramla».
Pry hetym aficyjnyja pradstaŭniki amierykanskaj administracyi, u tym liku asabista prezident Bajden, nie raz havaryli, što nie imknucca da źviaržeńnia režymu Pucina, niahledziačy na hłybokaje nieprymańnie jaho dziejańniaŭ.
-
«Kamuści tut treba dać try aplavuchi». Fica vykazaŭsia pra padletka, jaki nie pacisnuŭ ruku prezidentu Słavakii
-
Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
-
Pryncesa Uelskaja Ketryn paviedamiła, što ŭ jaje pačałasia remisija
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary
Nu nvrešcie)))