Dekłaracyja ab stvareńni transpartnaha kalidora «Uschod‑Zachad» praź Litvu, Biełaruś, Rasiju, Kazachstan i Kitaj padpisana ŭ Vilni. Hety dakumient zmacavali svaimi podpisami ministry transpartu Biełarusi, Litvy i Kitaja.
Na dumku ministraŭ transpartu troch krain, stvareńnie transpartnaha kalidora pamiž Azijaj i Jeŭropaj — važnaja inicyjatyva. Praŭda, forma ŭdziełu Rasii i Kazachstanu ŭ joj niajasnaja.
Hety kalidor budzie alternatyvaj marskim šlacham, pa jakich hruzy z Kitaja i inšych krain Azii ciapier pierapraŭlajucca ŭ Jeŭropu. Da taho ž pa sušy hruzy z Azii dastaŭlać u dva razy chutčej, čym pa mory, i značna tańniej.
Pasoł Biełarusi ŭ Litvie Uładzimir Dražyn adznačyŭ, što ŭ troch krain taksama jość płany stvareńnia kantejniernaha pojezda typu «Vikinh».
«My atrymajem dadatkovyja patoki hruzaŭ z Kitaja, jakija projduć praz terytoryju Biełarusi, i maksimalna vykarystajem tranzitnyja mahčymaści, bo siońnia prapusknaja zdolnaść našych transpartnych kamunikacyj vykarystoŭvajecca na treć, — skazaŭ ministr transpartu i kamunikacyj Biełarusi Ivan Ščerba. A hrošy, atrymanyja ad tranzitu, my zmožam nakiravać na raźvićcio transpartnaj infrastruktury».
Sustreča ministraŭ transpartu Biełarusi, Litvy i Kitaja prachodziła ŭ ramkach mižnarodnaha forumu ministraŭ transpartu krain ASEM.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju10
Kamientary