«Vahnier» zajaviŭ pra zachop Saladara. Va USU abviarhajuć, u Kramli prosiać čakać aficyjnych źviestak
Učora pres-słužba PVK Jaŭhiena Pryhožyna zajaviła pra zachop horada Saladar Danieckaj vobłaści. Pres-słužba biznesmiena apublikavała fatahrafii, na jakich jon u asiarodździ vajskoŭcaŭ nibyta znachodzicca ŭ salanych šachtach horada. Ukrainski bok stavić heta pad sumnieŭ.
Pradstaŭnik Uschodniaj hrupoŭki USU Siarhiej Čaravaty zajaviŭ, što heta nie adpaviadaje rečaisnaści. Jon paraiŭ čakać infarmacyi Hienštaba USU.
Va Upraŭleńni stratehičnych kamunikacyj USU zajavili nastupnaje: «Vyhladaje na toje, što miescaznachodžańnie Pryhožyna nie adpaviadaje rečaisnaści i jon nie ŭ saladarskich šachtach. Elemient IPSA (infarmacyjna-psichałahičnaj śpiecapieracyi) ad pryhožynskich pijarščykaŭ, jaki nakiravany na ŭnutranuju aŭdytoryju, kab choć niejak apraŭdać šalonyja straty siarod zekaŭ».
Pres-sakratar Pucina Dźmitryj Piaskoŭ u svaju čarhu zaklikaŭ čakać aficyjnaj infarmacyi pa Saladary.
«Davajcie nie budziem śpiašacca, dačakajemsia aficyjnych zajaŭ. Tam jość stanoŭčaja dynamika ŭ prasoŭvańni», — adkazaŭ Piaskoŭ na pytańni pra situacyju ŭ horadzie, dzie iduć bai.
Pavodle jaho słoŭ, RF dasiahnie pośpiechu ŭ vajennych dziejańniach tady, kali vykanaje mety, pastaŭlenyja viarchoŭnym hałoŭnakamandujučym. «Choć taktyčnyja pośpiechi, biezumoŭna, vielmi važnyja. Jany dajucca dastatkova darahoj canoj», — dadaŭ pradstaŭnik Kramla.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy2
Kamientary