Hrecyja i Malta mocna adstajuć ad inšych krain Jeŭrasajuza ŭ spravie zamarozki rasijskich aktyvaŭ, jakija trapili pad sankcyi: kali niekatoryja krainy zamarozili miljardy, to hetyja dźvie — tolki sumy, ekvivalentnyja canie pasrednaha doma. Pra heta piša ahienctva Reuters.
U dakumiencie Jeŭrakamisii, ź jakim aznajomiŭsia žurnalist, havorycca, što Hrecyja apaviaściła ES ab zamarozcy aktyvaŭ usiaho na 212 tys. jeŭra, a Malta — na 147 tys. jeŭra.
U cełym pa ES zamarožanyja padsankcyjnyja rasijskija aktyvy na 20,3 młrd jeŭra. Hiermanija, Italija, Francyja, Ispanija, Irłandyja, Bielhija, Luksiemburh i Aŭstryja zamarozili aktyvy na sumy bolš za miljard kožnaja.
«Heta krychu ździŭlaje. Albo ŭ ich mała što jość, albo jany nie vykonvajuć svaju pracu. Ci ž jany niešta jašče zrabili, ale nie paviedamili nam, choć mieli takuju mahčymaść», — tak prakamientavaŭ vyniki Hrecyi i Malty jeŭrapiejski čynoŭnik, jaki paprasiŭ nie nazyvać jaho imia.
Ahienctva nahadvaje, što JeC padumvaje ab vypracoŭcy jurydyčnych padstaŭ, na jakich zamarožanyja rasijskija aktyvy možna budzie pieradać Ukrainie na paślavajennaje adnaŭleńnie krainy.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy2
Kamientary