Ukrainski ministr abarony Alaksiej Reźnikaŭ zajaviŭ u intervju Bi-bi-si, što Ukraina faktyčna ŭžo dałučyłasia da NATA, choć farmalna nie stała čalcom aljansu.
«Ukraina jak kraina i Uzbrojenyja siły Ukrainy stali členami NATA. De-fakta, ale nie de-jure. Tamu što ŭ nas jość zbroja i razumieńnie, jak jaje vykarystoŭvać. Ja ŭpeŭnieny, što ŭ najbližejšaj budučyni my staniem členami NATA de-jure», — skazaŭ Reźnikaŭ.
Jon nie pahadziŭsia z tym, što padobnyja słovy mohuć paličyć nieadnaznačnymi nie tolki ŭ Rasii, ale i ŭ samim NATA, tak jak Paŭnočnaatłantyčny aljans nie choča, kab jaho ličyli ŭdzielnikam vajny.
Reźnikaŭ taksama vykazaŭ upeŭnienaść, što Ukraina atrymaje ad Zachadu tanki, źniščalniki i rakiety dalokaha radyusa dziejańnia. Jon padkreśliŭ, što niekatoryja zachodnija krainy ŭžo pačali mianiać staŭleńnie da pastavak zbroi Kijevu.
Nahadajem, što NATA nastojvaje, što nie biare ŭdziełu ŭ kanflikcie, a pastaŭki zbroi Ukrainie ažyćciaŭlajuć tolki asobnyja členy abaronnaha aljansu.
Pry hetym pradstaŭniki NATA vykazvali padtrymku Ukrainie i rašuča asudžali dziejańni Rasii.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary