U pieršym tury prezidenckich vybaraŭ u Čechii pieramoh nataŭski hienierał
Pavodle apošnich źviestak, adstaŭny hienierał Petr Paveł nabiraje 35,27 pracenta hałasoŭ i abhaniaje svajho asnoŭnaha kankurenta — byłoha premjer-ministra Čechii — Andreja Babiša z 35,12 pracenta hałasoŭ, piša «Svaboda».
Babiš — były premjer, ciapier lidar najbujniejšaj apazicyjnaj partyi, miljarder. Na hetym tydni sud apraŭdaŭ jaho pa spravie ab machlarstvie z datacyjami Jeŭrasajuza. Jadro vybarščykaŭ Babiša — piensijaniery i ludzi ź nievysokimi dachodami.
Petr Paveł — kadravy vajskoviec, pieršy ŭ historyi Čechii i krain byłoha savieckaha błoka kiraŭnik Vajskovaha kamiteta NATO (u 2015—2018 hadach). Zajmaje ćviorduju pazicyju ŭ adnosinach da rasijskaha ŭvarvańnia va Ukrainu, vystupaje za zachodniuju aryjentacyju Čechii, pry hetym apieluje i da patryjatyčnych pačućciaŭ. Jaho padtrymlivajuć prychilniki pravych, kansiervatyŭnych i libieralnych pohladaŭ.
Druhi tur adbudziecca praz dva tydni.
Kamientary