«Chopić vahacca». Zialenski zaklikaŭ udzielnikaŭ Davosa dać Ukrainie tanki da taho, jak Rasija pačnie nastupać
Prezident Ukrainy Uładzimir Zialenski, vystupiŭšy ŭ sieradu pierad udzielnikami Suśvietnaha ekanamičnaha forumu ŭ Davosie, zaklikaŭ sajuźnikaŭ Ukrainy pierastać vahacca i chutka pastavić Kijevu ŭsiu nieabchodnuju zbroju, u tym liku tanki i sistemy SPA.
«Čas, jakije svabodny śviet tracić na rozdumy, terarystyčnaja dziaržava tracić na toje, kab zabivać», — skazaŭ Zialenski padčas zvarotu da ŭdzielnikaŭ Davosa pa videasuviazi.
«Śviet bolš nie pavinien vahacca — ni siońnia, ni kali-niebudź u budučyni, — praciahnuŭ Zialenski. — Mabilizacyja śvietu pavinna apiaredžvać čarhovuju vajennuju mabilizacyju našaha ahulnaha voraha. Zabieśpiačeńnie Ukrainy sistemami supraćpavietranaj abarony pavinna apiaredžvać čarhovyja rakietnyja naloty Rasii. Pastaŭki zachodnich tankaŭ pavinny apiaredzić čarhovaje ŭvarvańnie rasijskich tankaŭ».
Słovy pra tanki mnohija rascanili jak prazrysty namiok na vahańni Hiermanii, jakaja pakul nie daje dazvoł na pieradaču Ukrainie niamieckich tankaŭ «Leapard» trecimi krainami. Hatoŭnaść addać Ukrainie častku svaich «leapardaŭ» vykazali Polšča i Finlandyja.
Kancler Niamieččyny Ołaf Šolc, vystupajučy na tym ža Davoskim forumie, syšoŭ ad adkazu na pramoje pytańnie z aŭdytoryi, ci hatovaja Niamieččyna dać Ukrainie tanki i dazvolić pieradaču «leapardaŭ» inšym krainam.
USU rajać žycharam Biełharadskaj vobłaści vyviešvać žoŭta-błakitnyja ściahi ci pisać BNR, kab paźbiehnuć atak dronaŭ2
Kamientary