«Zialenski chacieŭ by, kab ni Rasii, ni Pucina nie było». Piaskoŭ — pra słovy Zialenskaha ŭ Davosie
Pres-sakratar prezidenta Dźmitryj Piaskoŭ prakamientavaŭ słovy Zialenskaha, jaki skazaŭ na ekanamičnym forumie ŭ Davosie, što nie razumieje, z kim i jak vieści pieramovy ab miry, bo nie viedaje, chto prymaje pastanovy i nie ŭpeŭnieny, što Pucin žyvy.
«Zrazumieła, što i Rasija, i Pucin dla ciapierašniaj Ukrainy i Zialenskaha — heta vialikaja prablema. I zrazumieła, što čysta psichałahična Zialenski chacieŭ by, kab ni Rasii, ni Pucina nie było. Ale čym raniej ukrainski režym uśviedamlaje, što i Rasija, i Pucin jość i buduć <…> tym lepš dla takoj krainy, jak Ukraina», — skazaŭ siońnia Piaskoŭ.
Pa jaho słovach, čym raniej «ukrainski režym» prajavić hatoŭnaść uličvać patrabavańni Rasii, jakija «buduć dasiahnuty tak ci inakš», tym chutčej usio skončycca.
«I tym chutčej narod Ukrainy pačnie adnaŭleńnie paśla toj trahiedyi, jakuju kijeŭski režym zładziŭ», — dadaŭ Piaskoŭ.
Kamientary