«Зяленскі хацеў бы, каб ні Расіі, ні Пуціна не было». Пяскоў — пра словы Зяленскага ў Давосе
Прэс-сакратар прэзідэнта Дзмітрый Пяскоў пракаментаваў словы Зяленскага, які сказаў на эканамічным форуме ў Давосе, што не разумее, з кім і як весці перамовы аб міры, бо не ведае, хто прымае пастановы і не ўпэўнены, што Пуцін жывы.
«Зразумела, што і Расія, і Пуцін для цяперашняй Украіны і Зяленскага — гэта вялікая праблема. І зразумела, што чыста псіхалагічна Зяленскі хацеў бы, каб ні Расіі, ні Пуціна не было. Але чым раней украінскі рэжым усведамляе, што і Расія, і Пуцін ёсць і будуць <…> тым лепш для такой краіны, як Украіна», — сказаў сёння Пяскоў.
Па яго словах, чым раней «украінскі рэжым» праявіць гатоўнасць улічваць патрабаванні Расіі, якія «будуць дасягнуты так ці інакш», тым хутчэй усё скончыцца.
«І тым хутчэй народ Украіны пачне аднаўленне пасля той трагедыі, якую кіеўскі рэжым зладзіў», — дадаў Пяскоў.
Зяленскі: Я не зусім упэўнены, што Пуцін яшчэ жывы
Што запісана афіцыйнай прычынай смерці адзінага сына Ярмошынай?9
Каментары