Čałavieka z asablivaściami słychu asudzili na hod i dva miesiacy kałonii za abrazu Łukašenki
U Kastryčnickim sudzie Viciebska vyniesieny prysud pa spravie Dzianisa Chaŭchanava pavodle č. 1 art. 368 (abraza Łukašenki) Kryminalnaha kodeksa. Sudździa Śniažana Kindziejeva asudziła Dzianisa na hod i dva miesiacy pazbaŭleńnia voli ŭ kałonii va ŭmovach ahulnaha režymu, piša «Viasna».
Dzianisa abvinavacili ŭ tym, što jon sa svajho mabilnaha telefona pad pastom u telehram-kanale pakinuŭ kamientary. Sud ich paličyŭ jak tyja, što «niehatyŭna aceńvajuć, prynižajuć aŭtarytet, honar i hodnaść Łukašenki».
Śviedkam pa spravie vystupaŭ supracoŭnik HUBAZiKa, jaki ŭbačyŭ, što Dzianis pad psieŭdanimam pakinuŭ kamientary ŭ telehramie. Taksama śviedkam na pracesie vystupiŭ adnakurśnik Dzianisa, jaki paviedamiŭ, što «čuŭ nieadnarazova ad jaho niehatyŭnyja vykazvańni ŭ adras Łukašenki. Taksama bačyŭ, jak Chaŭchanaŭ u miesiendžary Telegram prahladaŭ roliki, jakija krytykujuć Łukašenku».
Mužčyna całkam pryznaŭ svaju vinu i raskajaŭsia ŭ ździejśnienym.
Ź Dzianisa spahnali na karyść finupraŭleńnia Viciebskaha harvykankama 246 rubloŭ za pryznačanaha jamu advakata.
Dzianis Chaŭchanaŭ uradženiec Viciebskaj vobłaści, jon maje prafiesijna-techničnuju adukacyju i hrupu invalidnaści. U pracesie nad im udzielničaŭ pierakładčyk z movy žestaŭ.
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika1
Kamientary