Чалавека з асаблівасцямі слыху асудзілі на год і два месяцы калоніі за абразу Лукашэнкі
У Кастрычніцкім судзе Віцебска вынесены прысуд па справе Дзяніса Хаўханава паводле ч. 1 арт. 368 (абраза Лукашэнкі) Крымінальнага кодэкса. Суддзя Сняжана Кіндзеева асудзіла Дзяніса на год і два месяцы пазбаўлення волі ў калоніі ва ўмовах агульнага рэжыму, піша «Вясна».
Дзяніса абвінавацілі ў тым, што ён са свайго мабільнага тэлефона пад пастом у тэлеграм-канале пакінуў каментары. Суд іх палічыў як тыя, што «негатыўна ацэньваюць, прыніжаюць аўтарытэт, гонар і годнасць Лукашэнкі».
Сведкам па справе выступаў супрацоўнік ГУБАЗіКа, які ўбачыў, што Дзяніс пад псеўданімам пакінуў каментары ў тэлеграме. Таксама сведкам на працэсе выступіў аднакурснік Дзяніса, які паведаміў, што «чуў неаднаразова ад яго негатыўныя выказванні ў адрас Лукашэнкі. Таксама бачыў, як Хаўханаў у месенджары Telegram праглядаў ролікі, якія крытыкуюць Лукашэнку».
Мужчына цалкам прызнаў сваю віну і раскаяўся ў здзейсненым.
З Дзяніса спагналі на карысць фінупраўлення Віцебскага гарвыканкама 246 рублёў за прызначанага яму адваката.
Дзяніс Хаўханаў ураджэнец Віцебскай вобласці, ён мае прафесійна-тэхнічную адукацыю і групу інваліднасці. У працэсе над ім удзельнічаў перакладчык з мовы жэстаў.
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч23
Каментары