U Mścisłavie ŭ hetym hodzie raspačnuć rekanstrukcyju zabudovy XII—XIV stahodździaŭ na Zamkavaj hary
Pra heta karespandentu BiełTA raskazała načalnica adździeła ideałahičnaj raboty, kultury i pa spravach moładzi Mścisłaŭskaha rajvykankama Natalla Biskup.
Zamkavaja hara ŭ Mścisłavie — sapraŭdnaja vizitnaja kartka nie tolki rajona, ale i ŭsioj Mahiloŭskaj vobłaści. Heta historyka-archieałahičny pomnik i muziej pad adkrytym niebam.
«U hetym hodzie płanujem prystupić da rekanstrukcyi zabudovy na Zamkavaj hary. Hrašovyja srodki dla hetych rabot užo atrymanyja. Ciapier my znachodzimsia na etapie karekciroŭki prajektna-kaštarysnaj dakumientacyi, tak jak jana raspracoŭvałasia jašče ŭ 2016 hodzie i na siońniašni dzień straciła aktualnaść. Pracujem u ciesnaj źviazcy ź Ministerstvam kultury — heta ž historyka-archieałahičny pomnik, abjekt nie prosty. Zakazčykam vystupaje UKB», — raspaviała Natalla Biskup.
Pa jaje słovach, karekciroŭki i ŭzhadnieńnie PKD zojmuć niekalki miesiacaŭ, paśla hetaha na Zamkavaj hary pačnucca rekanstrukcyjnyja raboty. Jany buduć padzielenyja na niekalki etapaŭ. Da kanca hetaha hoda płanujecca zaviaršeńnie budaŭniča-mantažnych rabot abjektaŭ na Zamkavaj hary.
«My chočam zachavać trochpaviarchovaść viežy danžon. Treba pryvieści ŭ paradak Zamkavuju haru nie tolki jak pomnik archieałohii, ale i jak miesca, dzie źbirajecca vialikaja kolkaść ludziej na rycarski fiestyval. U pracach nieabchodna ŭličvać usie nieabchodnyja patrabavańni biaśpieki. Zadača staić niaprostaja, ale naša hałoŭnaja meta — zachavać dla ciapierašniaha pakaleńnia i našych naščadkaŭ važny histaryčny abjekt», — adznačyła jana.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
Kamientary