Litoŭskija datacyi siemjam na aciapleńnie amal roŭnyja biełaruskim piensijam
U 2022 hodzie kampiensacyi atrymlivali 17 pracentaŭ chatnich haspadarak.
U 2022 hodzie ŭ Litvie kampiensacyi vydatkaŭ na aciapleńnie i vadu atrymlivali 17 pracentaŭ usich chatnich haspadarak krainy, paviedamlaje litoŭskaje ahienctva ELTA sa spasyłkaj na ministra sacyjalnaj abarony i pracy Litvy Moniku Navickienie.
Na kampiensacyju majuć prava ŭsie ludzi ź nievysokimi dachodami. Nievysokimi — pa mierkach Litvy, viadoma. Kali čałaviek žyvie adzin, to prava na datacyju jon maje, kali jaho dachod mienšy za 357 jeŭra na miesiac. Kali nie adzin — to pry dachodach ad 258 jeŭra na čałavieka.
Dla razumieńnia: siaredniaja piensija ŭ Litvie na siońnia składaje 542 jeŭra, heta kala 1560 rubloŭ (u Biełarusi — 670 rubloŭ).
U 2022 hodzie siaredni pamier kampiensacyi vydatkaŭ na aciapleńnie žylla na adnaho čałavieka na miesiac u Litvie składaŭ 152 jeŭra (kala 440 rubloŭ), kali čałaviek žyvie ŭ svaim domie abo ŭ domie biez centralnaha aciapleńnia i 42 jeŭra — kali ŭ domie z centralnym aciapleńniem.
Takim čynam, małazabiaśpiečanyja ludzi akazvajucca dadatkova abaronienymi.
Pradukty i adzieńnie ŭ Litvie kaštujuć prykładna stolki ž, jak u Biełarusi, a voś kamunalnyja pasłuhi istotna daražejšyja. Heta źviazana jak z tym, što Litva kuplaje naftu i haz pa suśvietnych cenach, a Biełaruś atrymlivaje ad Rasii pa źnižanych, uzamien za rusifikacyju i vajskova-palityčny aljans. Bolšyja ceny na pasłuhi, u tym liku i ŽKH, źviazanyja taksama z tym, što zarobki rabotnikaŭ tam u niekalki razoŭ vyšejšyja, čym u Biełarusi.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary