Niejrasietka ChatGPT užo chutka sutykniecca z bolš prasunutym kankurentam
Praź niekalki tydniaŭ u svabodny dostup vyjdzie Bard — novy štučny intelekt ad kampanii Google.
Kampanija Google 6 studzienia anansavała chutkaje źjaŭleńnie ŭ ahulnym dostupie novaha dyjałohavaha štučnaha intelektu pad nazvaj Bard. Novaja niejrasietka, jak i jaje našumieły kampańjon ChatGPT, zaklikana imitavać realny čałaviečy dyjałoh, sistematyzavać i spraščać hihanckija masivy infarmacyi, a taksama dapamahać kožnamu karystalniku ŭ vyrašeńni jaho bytavych i prafiesijnych zadač.
Naprykład, možna budzie atrymlivać aryhinalnyja parady albo adkazy na lubyja składanyja pytańni, chutka pisać scenaryi, artykuły ci ese na roznyja temy, składać paemy, vieršy ci pieśni, stvarać muzyku ci prahramnyja kody dla novych dadatkaŭ i mnohaje-mnohaje inšaje.
Bard zasnavany na ŭłasnaj moŭnaj madeli ad Google dla dyjałohavych dadatkaŭ (Language Model for Dialogue Applications, ci skaročana LaMDA). Heta šmatfunkcyjanalnaja madel padtrymlivaje vielizarnuju kolkaść moŭ dla kamfortnaj i zrazumiełaj razmovy.
Pa zapeŭnieńniach kampanii, hetaja niejrasietka pry apracoŭcy zapytaŭ ad karystalnikaŭ zmoža abapiracca nie tolki na dastupnuju ŭsim infarmacyju ab śviecie, ale i na «ŭłasnuju moc, intelekt i kreatyŭnaść».
«Bard budzie najlepšym siabram i dla pytlivych pačatkoŭcaŭ, i dla tvorčych entuzijastaŭ. Naprykład, jon dapamoža rastłumačyć novyja adkryćci kaśmičnaha teleskopa NASA vašamu 9-hadovamu dziciaci albo daviedacca bolš pra lepšych futbolnych hulcoŭ na hety momant i zatym adrazu atrymać infarmacyju pra nieabchodnyja praktykavańni, kab taksama raźvić svaje navyki», — padkreślivaje Sundar Pičai, hienieralny dyrektar Google i Alphabet.
Pavodle jaho słoŭ, Bard stanie dastupny ŭžo ŭ najbližejšyja tydni. U samu niejrasietku kampanija Google inviestavała kala 400 młn dalaraŭ.
Čytajcie jašče:
Žarty skončylisia. Biaskoncy sieryjał ad štučnaha intelektu Nothing, Forever byŭ zabłakavany z-za adnaho vyrazu
Školniki z Tenesi stvaryli novuju rabatyzavanuju ruku svajmu adnakłaśniku
Što takoje ChatGPT i čamu da jaho staviacca nieadnaznačna?
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary