Indyjec jechaŭ ź Litvy praź Biełaruś na viasielle ŭ Maskvu z čužym pašpartam
Biełaruskija pamiežniki 7 lutaha ŭ punkcie propusku «Kamienny Łoh» na biełaruska-litoŭskaj miažy zatrymali hramadzianina Indyi, jaki jechaŭ aŭtobusam u Minsk ź Vilni. Akazałasia, što ŭ jaho čužy dakumient.
Jak paviedamlaje pres-słužba DPK, parušalnik zmoh prajści pa čužych dakumientach litoŭskuju miažu, ale ŭ Biełaruś niezakonna patrapić nie zmoh.
«Śpiecyjalnaja pravierka pakazała — dakumient naležyć inšamu čałavieku», — paviedamlajuć pamiežniki.
Zatrymany, 28-hadovy hramadzianin Indyi, paviedamiŭ, što jechaŭ da siabra ŭ Maskvu na viasielle. A pakolki dva hady tamu jaho departavali ź Biełarusi, to jon uziaŭ z saboj čužy pašpart.
U dačynieńni da inšaziemca raspačali administracyjny praces, za sprobu niezakonnaha pierasiačeńnia miažy jamu pahražaje čarhovaja departacyja z zabaronaj ujezdu ŭ Biełaruś na 5 hadoŭ.
Kamientary