Upieršyniu ŭ śviecie Alchiejmier znajšli ŭ 19-hadovaha maładoha čałavieka
Heta mianiaje ŭjaŭleńnie ab chvarobie, na jakuju zvyčajna chvarejuć pažyłyja ludzi.
U Kitai ŭ 19-hadovaha chłopca vyjavili chvarobu Alchiejmiera, što robić jaho samym maładym nośbitam hetaha zachvorvańnia. Pra heta 16 lutaha paviedamiła navukovaje vydańnie ScienceAlert sa spasyłkaj na kitajskija ŚMI.
Abśledavańnie mozha vyjaviła paškodžańnie hipakampa, a analiz śpinnamazhavoj vadkaści vyjaviŭ praźmiernaje nazapašvańnie białku, što ŭkazała na najaŭnaść chvaroby Alchiejmiera.
«Małady čałaviek sutyknuŭsia ź simptomami chvaroby jašče ŭ 17 hadoŭ. Jon časta hublaŭ rečy, staŭ drenna čytać i pisać, nie pamiataŭ, kali, jak i što jeŭ, pačaŭ značna horš vučycca, z-za čaho byŭ vymušany pakinuć siaredniuju škołu», — piša vydańnie.
Chvaroba Alchiejmiera ličycca chvarobaj pažyłych ludziej, ale pry hetym choć i redka, ale na jaje mohuć chvareć i ludzi va ŭzroście da 65 hadoŭ (mienš za 10% usich vypadkaŭ zachvorvańnia).
Adnak dla hetaha ŭ ich pavinny być pryrodžanyja hienietyčnyja mutacyi. Čym maładziejšy čałaviek, kali jamu staviać dyjahnaz Alchiejmier, tym bolš vierahodna, što chvaroba źjaviłasia praz najaŭnaść defiektnaha hiena, jaki čałaviek atrymaŭ ad baćkoŭ ci inšych svajakoŭ.
«Ale ŭ vypadku z 19-hadovym chłopcam toicca vialikaja zahadka: nichto z členaŭ siamji nie pakutavaŭ ad chvaroby Alchiejmiera albo demiencyi, a ŭ samoha maładoha čałavieka nie było inšych zachvorvańniaŭ, infiekcyj ci traŭm hałavy, jakija mahli b rastłumačyć raptoŭnaje źnižeńnie jaho kahnityŭnych funkcyj», — padkreślivaje ScienceAlert, cytujučy słovy kitajskich nieŭrołahaŭ.
Na dumku śpiecyjalistaŭ, hety zahadkavy vypadak «mianiaje ŭjaŭleńnie ab pryrodzie zachvorvańnia» i robić jaho jašče bolš składanym, čym raniej.
«Vyvučeńnie tajamnic chvaroby Alchiejmiera ŭ maładych ludziej moža stać adnoj z samych składanych navukovych zadač budučyni», — pradkazvajuć jany.
Čytajcie jašče:
Nie zafiksavana ni adnaho vypadku, kab čałavieka vylečyli: chvaroba Alchiejmiera
Navukoŭcy zmahli spynić praces stareńnia ŭ myšej i navučylisia kiravać hetym pracesam. A što nakont ludziej?
Ludzi z mocnaj siłaj voli zdolnyja vytrymlivać bolšy fizičny dyskamfort
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia5
Kamientary