Kamanda kinafiestyvalu «Paŭnočnaje źziańnie» zapuskaje anłajn-kinateatr biełaruskaha kino Vodblisk. Tam možna budzie hladzieć sučasnaje niezaležnaje kino, zroblenaje biełarusami.
Novyja stužki buduć dadavacca štomiesiac.
Pieršy film na płatformie źjavicca 1 sakavika. Heta «Maja babula z Marsa» — dakumientalnaje kino pra babulu režysiora ŭ anieksavanym Krymie, źniataja Alaksandram Michałkovičam.
Kab hladzieć filmy ŭ biełaruskim anłajn-kinateatry, treba zarehistravacca. Dostup da luboha filma kaštuje 5$ i vydajecca na 30 dzion, za hety čas film možna pierahladzieć kolki zaŭhodna razoŭ.
Dla hledačoŭ, jakija znachodziacca na terytoryi Biełarusi, Vodblisk u 2023 hodzie budzie biaspłatny. Heta źviazana z tym, što praz mety biaśpieki kinateatr pakul nie moža prymać płaciažy ad karystalnikaŭ ź Biełarusi.
Na płatformie buduć taksama dyskusii i hutarki ź biełaruskimi režysiorami, pradziusarami dy inšymi kinadziejačami. Supravadžać kožny film budzie razmova ź jaho stvaralnikami i stvaralnicami. Dyskusii buduć u volnym dostupie dla ŭsich, niezaležna ad hieahrafii.
U davieranaj asoby Łukašenki zabrali biznes pad Hrodnam: «Na paroh vyjšaŭ niejki mužyk i zajaviŭ, što ŭpieršyniu mianie bačyć»5
Kamientary