Były kiroŭca bresckaha aŭtaparka Michaił Sidarenka, viadomy ŭ horadzie jak błohier Baradač, znachodzicca ŭ SIZA №7 Bresta, paviedamlaje «Biełsat» na padstavie śviedčańnia svaich krynic. Sidarenku zatrymali 10 lutaha.
Kiroŭca Sidarenka zdymaŭ karotkija videa, u jakich raskazvaŭ pra prablemy aŭtaparka. Paśla zvalnieńnia jon staŭ pracavać u taksi, a taksama aktyŭna zaniaŭsia błohierstvam, krytykavaŭ miascovyja ŭłady, raspaviadaŭ ab prablemach prostych ludziej.
Niadaŭna jon padaŭ u sud na aŭtapark z patrabavańniem adnavić jaho na pracy. 10 lutaha ŭ sudzie Maskoŭskaha rajona Bresta pačaŭsia navat adpaviedny praces, ale jon tak i nie skončyŭsia, bo Sidarenka byŭ zatrymany. Viadoma, što Sidarenku zatrymała achova adnaho z kamunalnych pradpryjemstvaŭ Bresta, kali błohier rabiŭ zdymki na ich terytoryi.
Raniej Sidarenka padtrymlivaŭ Łukašenku i supracoŭničaŭ z praŭładnym błohieram Alaksiejem Holikavym. Jon ličyć, što Łukašenka dobry, ale drennyja miascovyja čynoŭniki, naviersie ž pra heta ničoha nie viedajuć. Ciapier usie kanały Sidarenki nibyta znachodziacca pad kantrolem Holikava.
Tym časam brescki aŭtapark zastajecca biez pryznačanaha kiraŭnictva. Nichto nie choča ŭznačalić pradpryjemstva z takoj kolkaściu prablem. Pavodle infarmacyi «Biełsata», tam iduć pravierki, a supracoŭnikoŭ zapałochvajuć.
Čytajcie taksama:
U Breście na troje sutak zatrymany błohier «Baradač»
Pa danosie prałukašenkaŭskaha błohiera kašmarać supracoŭnikaŭ aŭtaparka ŭ Breście
-
Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
-
U Polščy pradstavili jašče adzin zakonaprajekt ab hramadzianstvie: 15 hadoŭ žyćcia ŭ krainie, polskaja na ŭzroŭni S1 i daviedka ab niesudzimaści na radzimie
-
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Kamientary