Pačałasia padrychtoŭka da Pieršaha kanhresa biełaruskaj kultury ŭ emihracyi
Płatforma dla tvorčych, adukacyjnych, vydavieckich i navukovych pracesaŭ — Instytut biełaruskaj kultury (InBiełKult 2.0 / Inbelkult 2.0) raspačaŭ padrychtoŭčy etap da Pieršaha kanhresa biełaruskaj kultury ŭ emihracyi. Płanujecca, što budučaja padzieja, arhanizataram jakoj vystupaje inicyjatyva, zasnavanaja Halinaj Kazimiroŭskaj, Alinaj Koŭšyk i Hannaj Radziajoŭskaj, projdzie ŭ červieni 2023 hoda ŭ Varšavie, piša Reform.by.
Kanhres bačycca jak sumiesnaja praca roznych kulturnickich panelaŭ, u miežach jakich biełaruskija dziejačy kultury ŭ emihracyi, pradstaŭniki biełaruskich arhanizacyj i lidary supołak, jakija zajmajucca kulturnymi prajektami, tvorcy abmiarkujuć biahučyja prablemy i pytańni, što chvalujuć kulturnickuju supolnaść.
U ramkach padrychtoŭčaha pracesu da kanhresa ŭžo ŭ sakaviku-krasaviku ŭ Varšavie płanujecca pravieści sieryju fokus-hrup panelaŭ.
Rychtujecca sieryja ź piaci sustreč. Tak, 18 sakavika rychtujecca praca Teatralnaj paneli, na 1 krasavika zapłanavana Muzyčnaja panel, 2 krasavika pracu pačnie Panel vizualnaha mastactva, 22 krasavika — Litaraturnaja panel. Zavieršyć sieryju fokus-hrup sustreč Falkłornaja panel 23 krasavika.
InBiełKult 2.0 zaprašaje da ŭdziełu mastakoŭ, muzykaŭ, falkłarystaŭ, litarataraŭ, režysioraŭ, akcioraŭ, kampazitaraŭ, krytykaŭ, redaktaraŭ, žurnalistaŭ i inšych dziejačaŭ, źviazanych z kulturaj.
Bolš padrabiaznaja infarmacyja pra čas i miesca praviadzieńnia panelaŭ źjavicca ŭ najbližejšy čas.
Dla ŭdziełu ŭ pracy panelaŭ prosiać zapoŭnić huhł-formu.
Hetaksama InBiełKult 2.0 zaprašaje da partniorstva arhanizacyi i asob — źviazacca ź inicyjatyvaj možna tut.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary