Žychar Homiela pravioŭ bolš za dva hady ŭ źniavoleńni za toje, što vybiŭ z ruk milicyjantki telefon, na jaki jana zdymała ludziej, kab u budučyni ich apaznali pa fota i represavali.
Žychara Homiela Dźmitryja Cimašenku asudzili pa artykule ab hvałcie ŭ dačynieńni da milicyjanta (art. 364 Kryminalnaha kodeksa). Zhodna z abvinavačańniem, Cimašenka ŭdaryŭ pa ruce milicyjantku Natallu Sinkievič, jakaja zdymała hramadzian, telefon vypaŭ u jaje z ruk i raźbiŭsia.
19 lutaha 2021 hoda sud pryznaŭ Dźmitryja vinavatym i pryznačyŭ 2,5 hoda pazbaŭleńnia voli. Taksama jamu pryznačyli vypłacić kampiensacyju maralnaj škody «paciarpiełaj» milicyjantcy 1000 rubloŭ.
Termin palitviazień adbyvaŭ u škłoŭskaj kałonii № 17. Jon całkam adbyŭ termin i ranicaj 4 sakavika vyjšaŭ na volu, pišuć pravaabaroncy «Viasny». Viadoma, što ŭ adnym tolki lutym, pierad samym vyzvaleńniem, jaho 20 sutak pratrymali ŭ ŠIZA. U źniavoleńni jon adbyŭ 2 hady 3 miesiacy i 15 dzion.
Masavyja palityčnyja represii ŭ Biełarusi pačalisia z 2020 hoda paśla taho, jak na prezidenckich vybarach Alaksandr Łukašenka, pa ŭsioj vidavočnaści, prajhraŭ chatniaj haspadyni, žoncy palitźniavolenaha błohiera Śviatłanie Cichanoŭskaj, jakaja, miarkujučy pa pratakołach z učastkaŭ, dzie vybarčyja kamisii dazvolili nazirać za padlikam hałasoŭ, nabirała bolš za 50 pracentaŭ hałasoŭ užo ŭ pieršym tury hałasavańnia.
Z 2020 hoda ŭ Biełarusi adbyłosia kala 50 tysiač palityčna matyvavanych zatrymańniaŭ. Zaviedziena kala 12 tysiač palityčna matyvavanych kryminalnych spraŭ, pa jakich prachodziać dziasiatki tysiač ludziej. Vialikaja kolkaść ludziej vymušanaja była pakinuć krainu, ratujučysia ad represij.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach40
Kamientary