Kolki punktaŭ praviłaŭ darožnaha ruchu parušaje kiroŭca «sarmatmabila» z rakietaj na dachu

Žurnalist vydańnia «Fłahštok» patelefanavaŭ va ŭpraŭleńnie DAI Homielskaj vobłaści, kab daviedacca, ci majucca parušeńni biełaruskaha zakanadaŭstva z boku kiroŭcy rasijskaha aŭtamabila-rakiety. 

U adkaz jon pačuŭ, što supracoŭniki DAI ŭžo praviarali hety aŭtamabil i nie znajšli nijakich parušeńniaŭ pa linii PDR. 

«Tam habaryty ŭ jaho, usio heta jość, strachoŭka narmalnaja», — paviedamiŭ žuranlistu pa telefonie dziažurny va ŭpraŭleńni DAI Homielskaj vobłaści. 

Jak paviedamlaje vydańnie — na zakančeńnie milicyjanier zajaviŭ: «U čałavieka niejkaja rekłama, my z boku DAI niejkaj ahresii nie bačym». 

Ale ci sapraŭdy aŭtamabil aktyvista prakramloŭskaj ultrapravaj arhanizacyi «NOD» nie parušaje zakon? Zazirniem u PDD.

Nalepki na kuzavie

U adpaviednaści z p. 194.13 PDR zabaronieny ŭdzieł u darožnym ruchu transpartnych srodkaŭ z vonkava bačnymi nalepkami (vyjavami), akramia tych, jakija raźmiaščajucca va ŭstanoŭlenym paradku apaznavalnych znakaŭ transpartnych srodkaŭ, praduhledžanych u dadatku 5 da PDR, rekłamy, infarmacyi ab prynaležnaści transpartnaha srodku da arhanizacyi (indyvidualnaha pradprymalnika). 

Naturalna, što ŭ piatym dadatku da PDR vy nie znojdziecie nalepak, jakija možna ŭbačyć na «sarmat-mabile». Tym nie mienš, zychodziačy z adkazu dziažurnaha žurnalistu — vynikaje, što DAIšniki vyrašyli, što heta rekłama, a raźmiaščeńnie rekłamy na aŭto nie zabaroniena.

Ale navat kali nalepki (u tym liku partrety Łukašenki) źjaŭlajucca rekłamaj, heta nie admianiaje taho, što navat takaja «rekłama» raźmieščanaja z parušeńniami. Bo jak minimum rekłama nie pavinna znachodzicca na šybach i abmiažoŭvać kiroŭcu ahlad.

Cikava, što za kiravańnie aŭto z nalepkami hierba «Pahonia» i BČB-ściaha biełaruskaja DAI rehularna štrafavała biełarusaŭ. Častku tolki pa linii PDR, a častcy navat davali sutki nibyta za «pikietavańnie». 

Pavialičyć

Taniroŭka

Dalej — bolej. U adpaviednaści z p. 37 hłavy 7 dadatku 4 da PDR udzieł aŭtamabila ŭ darožnym ruchu zabaronieny, kali na škle abo ŭ akonnych prajomach transpartnaha srodku ŭstanoŭlenyja nie praduhledžanyja jaho kanstrukcyjaj dadatkovyja pradmiety abo naniesienyja pakryćci. U vypadku z «sarmat-mabilem» my bačym, što aproč nalepak i partretaŭ Łukašenki na šybach Łady možna ŭbačyć davoli ciomnuju taniroŭku, naniasieńnie jakoj zhodna ź biełaruskimi PDR — zabaroniena. Praviłami darožnaha ruchu zabaronieny ŭdzieł takoha aŭtamabila ŭ darožnym ruchu, a kraina rehistracyi aŭto pry hetym nie maje značeńnia.

Pieravozka hruza

PDR nie zabaraniaje pieravozku hruzaŭ, u tym liku i na dachu aŭtamabila, ale habaryty «hruza» u vyhladzie vializarnaha makieta rakiety taksama vyklikajuć pytańni. Bo navat niahledziačy na toje, što jon pa ŭsioj bačnaści nie vystupaje bolš, čym na 1 mietr za habaryty transpartnaha srodku, heta nie admianiaje punkt 184.3 hłavy 24, jaki zabaraniaje pieravozku hruza, što abciažarvaje kiravańnie transpartnym srodkam, parušaje jaho ŭstojlivaść. I tut nie treba być nadta daśviedčanym, kab razumieć, što taki abjomny «hruz» nie moža nie ŭpłyvać na ustojlivaść aŭtamabila. Ale biełaruskaja DAI tak nie ličyć.

Nahadajem, viasnoj minułaha hoda biełaruskija DAIšniki nie bačyli parušeńniaŭ zakanadaŭstva navat tady, kali rasijskija vajskoŭcy masava jeździli pa Biełarusi na aŭto, skradzienych va Ukrainie.

Čytajcie taksama: 

«My niejkaj ahresii nie bačym». U DAI prakamientavali zjaŭleńnie «sarmat-mašyny» ŭ Homieli

Rasijskija ŭltrapravyja voziać pa Homieli makiet rakiety «Na Vašynhton» pad čyrvonym ściaham

• 0
• 0
• 5
• 8
• 0
• 1
• 49
• 0