Deputatu z Kałužskaj vobłaści, jaki nie ŭstaŭ padčas vykanańnia himna Rasii, uručyli pozvu ŭ vajenkamat
Deputat Małajarasłavieckaha rajschodu Kałužskaj vobłaści Alaksandr Lapiendzin na pasiadžeńni kamisii pa etycy, jakaja razhladała jaho pavodziny, atrymaŭ pozvu ŭ vajenkamat «dla źvierki danych».
20 lutaha kiraŭnik administracyi Małajarasłavieckaha rajona vystupaŭ pierad deputatami sa spravazdačaj.
Paśla jaho vystupu ŭklučyli himn Rasii. Usie prysutnyja, akramia Lapiendzina, ustali sa svaich miescaŭ.
Paźniej deputat patłumačyŭ, što nie ŭstaŭ, bo ŭ jaho baleli nohi paśla treniroŭki. Vypadak mieŭ rezanans.
«Adnaznačna, jon budzie pryciahnuty da adkaznaści. U palicyi ŭsio heta zarehistravana, ciapier materyjały rychtujucca da pieradačy ŭ sud, my heta na tarmazach spuskać nie budziem», — kazaŭ TASS kiraŭnik administracyi Małajarasłavieckaha rajona Viačasłaŭ Parfionaŭ.
Kamientary