«Sarvali z budynka ŭ Minsku aficyjny ściah i parvali pałotnišča»: novy palityčny sud
Sud Leninskaha rajona Minska vynies prysud žycharam stalicy Zacharu Kostku, jaki źjaŭlajecca hramadzianinam Rasii, i Stanisłavu Akałoviču, abvinavaciŭšy ich u ździeku ź dziaržaŭnych simvałaŭ (art. 370 Kryminalnaha kodeksa). Aproč hetaha, Akałoviča pryznali vinavatym u złosnym chulihanstvie pavodle č. 1 art. 339, paviedamlaje «Viasna».
Spravu razhladała sudździa Maryna Zapaśnik.
Zhodna z materyjałami spravy, pozna viečaram 26 žniŭnia 2022 hoda abvinavačanyja ŭ niećviarozym stanie sarvali z fasada budynka pa vuł. Čyrvonaarmiejskaj u Minsku dziaržaŭny ściah, paśla čaho publična, u prysutnaści inšych ludziej, parvali pałotnišča.
Praź niekatory čas ich zatrymali i ŭziali pad vartu.
Stanisłaŭ Akałovič u sudovym pasiadžeńni ŭkazaŭ, što vinu va ŭčynieńni inkryminavanych złačynstvaŭ pryznaje ŭ poŭnym abjomie, a faktyčna svaju vinu ŭ abrazie ściaha nie pryznaŭ.
Pa epizodzie chulihanstva patłumačyŭ sudu, što, daviedaŭšysia, što dadomu viartajecca maci, spałochaŭsia, što apošniaja znojdzie ŭ kvatery butelku ad vina, pryniaŭ rašeńnie vykinuć jaje z akna. Mierkavaŭ, što butelka ŭpadzie na kłumbu, ale jana paškodziła pryparkavany pad aknom aŭtamabil.
Zachar Kostka svaju vinu pryznaŭ u poŭnym abjomie.
Akałovič patłumačyŭ sudu, što prachodziačy napadpitku mima budynka na Čyrvonaarmiejskaj, jon zaŭvažyŭ dziaržaŭny ściah, jaki prapanavaŭ sarvać. Kostka na jaho prapanovu adreahavaŭ adnaznačna, a mienavita — padyšoŭ da štandara sa ściaham i pačaŭ zryvać jaho. Jamu dapamahaŭ Akałovič. Nadarvanaje pałotnišča skamiečyli i zabrali z saboj.
Sud, jaki adbyŭsia 12 śniežnia 2022 hoda, pryznačyŭ Akałoviču pa sukupnaści złačynstvaŭ kančatkovaje pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu terminam na dva hady, a Zacharu Kostku — aryšt na try miesiacy z ulikam raniejšaha pakarańnia ŭ vyhladzie aryštu pa prysudzie suda Pieršamajskaha rajona Minska ad 11 listapada 2022 hoda.
Miera strymańnia ŭ dačynieńni da abvinavačanych u vyhladzie zaklučeńnia pad vartu źmienienaja na padpisku ab niavyjeździe i naležnych pavodzinach.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary